Սեպտեմբերի 7-ին, ժամը 18։18-ին Շիրակի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Հոռոմ գյուղում այրվում է անասնագոմ։
Ինչպես տեղեկացնում են ՆԳՆ ՓԾ-ից, դեպքի վայր է մեկնել ՆԳՆ ՓԾ մարզային փրկարարական վարչություններին հրշեջ-փրկարարական ջոկատներից երկու մարտական հաշվարկ։
Պարզվել է, որ հրդեհը բռնկվել է Հոռոմ գյուղի 10-րդ փողոցի տներից մեկի մոտակայքում գտնվող անասնագոմի տանիքում (մոտ 100 քմ):
Հրդեհը մեկուսացվել է ժամը 21:58-ին, մարվել՝ սեպտեմբերի 8-ին, ժամը 01:39-ին։ Այրվել են անասնագոմի տանիքի փայտե կառուցատարրերը և ներսում կուտակած մոտ 400 հակ անասնակեր:
