01.04.2026 | 09:40
Իտալիան 3-րդ անգամ անընդմեջ բաց կթողնի աշխարհի առաջնությունը, ևս 4 եվրոպական հավաքական նվաճել է ուղեգիր․ ՏԵՍԱՆՅՈՒԹ
«Նոր ընկեր ձեռք բերեցի»․ Ռոնալդուն գրառում է կատարել և տեսանյութ հրապարակել
Հասարակություն
07.09.2025 | 17:55
Երեկ նոր ընկեր ձեռք բերեցի։ Այս մասին ինստագրամյան իր էջում գրառում է կատարել աշխարհահռչակ ֆուտբոլիստ Կրիշտիանո Ռոնալդուն և հայ պատանու մասնակցությամբ տեսանյութ հրապարակել։
«Շատ շնորհակալ եմ յուրաքանչյուր օրվա սիրո և աջակցության համար։ Հույս ունեմ, որ յուրաքանչյուրն իր երազանքի հետևից կգնա»,-նշել է նա։
Հիշեցնենք՝ սեպտեմբերի 6-ին տեղի ունեցավ Հայաստան-Պորտուգալիա ֆուտբոլային հանդիպումը, որն ավարտվեց 5-0 հաշվով հօգուտ Պորտուգալիայի։
Խաղի մեկնարկի նախապատրաստության ժամանակ, երբ ֆուտբոլիստները երեխաների հետ մտան դաշտ, հնչեց երկու երկրների հիմները։ Ոչ ոքի աչքից չէր վրիպել երեխաներից մեկը, որը հուզվել և արտասվում էր։
ՀՖՖ սիրողական ֆուտբոլի բաժնի ղեկավար Ամալյա Գրիգորյանի ֆեյսբուքյան գրառումից տեղեկանում ենք, որ տղայի անունը Ռուբեն է։
«Ռուբենը զբաղվում է ներառական ֆուտբոլով: Ունի լսողության և խոսքի խանգարումներ: Իրականություն դարձավ Ռուբենի կյանքի մեծագույն երազանքը՝ հանդիպեց Ռոնալդուին: Այս վիդեոն նկարել եմ անմիջապես հիմների կատարումից հետո, երբ երեխաներին բերեցինք հանդերձարան: Աննկարագրելի ապրումների մեջ էր Ռուբենը, ինչպես և մյուս բոլոր երեխաները, որոնք Հայաստանի և Պորտուգալիայի ֆուտբոլիստների հետ դաշտ մտան:
Ֆուտբոլը միշտ է հրաշքներ գործում: Հավատացեք հրաշքներին և դրանք կկատարվեն, ինչպես եղավ Ռուբենի դեպքում։
Հ.Գ. Ուղեկցող բոլոր երեխաներն ունեն առողջական և զարգացման տարբեր խնդիրներ»,- գրել է նա։
