11.03.2026 | 15:19
ԲԸՏՄ-ն առգրավել է որսորդական հրացաններ և ապօրինի որսված 159 արտույտ
Լրագրողները նույնականացրել են Ուկրաինայի դեմ պատերազմում զոհված 128 հազար ռուս զինծառայողների
Քաղաքականություն
05.09.2025 | 22:14
BBC-ի ռուսական ծառայությունը և Mediazona-ն, կամավորների թիմի հետ համատեղ 2025 թվականի սեպտեմբերի սկզբի դրությամբ կարողացել են պարզել 128,115 ռուս զինվորների անունները, որոնք զոհվել են ռուսական զորքերի Ուկրաինա ներխուժման ընթացքում, գրում է Meduza-ն։
Հունիս, հուլիս և օգոստոս ամիսներին լրագրողները հայտնաբերել են ռուս զինծառայողների 23,305 նոր մահախոսական։ Օրեր են եղել, երբ հրապարակվել է 400-420 մահախոսական, ինչը երեք անգամ ավելի է, քան 2024 թվականի միջին ցուցանիշը։ BBC-ն նշում է, որ հրապարակված հաղորդագրությունների ընդհանուր թիվը չի համապատասխանում տվյալ ժամանակահատվածում հաստատված մահերի թվին։
«Դեռ վաղ է ամփոփել Ռուսաստանի ամառային հարձակման արդյունքները, քանի որ զինվորների մահվան մասին ծանուցումները ուշանում են, և այդ դեպքում մեզ լրացուցիչ ժամանակ է պետք դրանք կրկնակի ստուգելու համար։ Այնուամենայնիվ, որոշ թվեր արդեն հասանելի են», – ասվում է հրապարակման մեջ։
BBC-ն նաև գրում է, որ հավաքագրված և ռազմաճակատ ուղարկված բանտարկյալները կազմում են լրագրողների կողմից նույնականացված բոլոր զոհված զինվորների 14%-ը, կամավորականները՝ 29%-ը։ Վերջիններիս բաժինը «շարունակում է արագ աճել», քանի որ պատերազմի սկսվելուց հետո պայմանագիրը ստորագրողները դարձել են «ռուսական բանակի հարձակողական ուժի ողնաշարը Ուկրաինայում»։
Մահացածների 11%-ը մոբիլիզացվածներն են, սակայն իրական կորուստները կարող են ավելի շատ լինել։
Meduza-ի և Mediazona-ի հաշվարկների համաձայն էլ՝ 2025 թվականի օգոստոսի վերջի դրությամբ, ռուսական զորքերի՝ Ուկրաինա լայնածավալ ներխուժման սկզբից ի վեր զոհվել է առնվազն 220,000 ռուս զինվոր։ Հաշվարկը հիմնված է ժառանգության գործերի գրանցամատյանի տվյալների վրա՝ հաշվի առնելով, որ «Ռոսստատը» չի հրապարակում Ռուսաստանում ընդհանուր մահացության վերաբերյալ տվյալները, այս գրանցամատյանը մնում է մահացածների թվի վերաբերյալ տեղեկատվության միակ հուսալի աղբյուրը։
Թարգմանությունը՝ Էմմա Չոբանյանի
