ԱԺ պաշտպանության և անվտանգության հարցերի հանձնաժողովի նիստի օրակարգում ընդգրկված նախագծերը ստացել են դրական եզրակացություն

ՀՀ ԱԺ պաշտպանության և անվտանգության հարցերի մշտական հանձնաժողովից հայտնում են, որ սեպտեմբերի 5-ին ՀՀ ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանի ղեկավարությամբ տեղի է ունեցել ՀՀ ԱԺ պաշտպանության և անվտանգության հարցերի մշտական հանձնաժողովի հերթական նիստ:

Նիստի օրակարգում դրված էր Հայաստանի Հանրապետության քրեական օրենսգրքում փոփոխություն կատարելու մասին, «Ռազմական ոստիկանության մասին» օրենքում լրացումներ և փոփոխություն կատարելու մասին, «Պետական սահմանի մասին» օրենքում լրացում կատարելու մասին, «Աղետների նկատմամբ դիմակայուն ենթակառուցվածքի կոալիցիայի» կանոնադրությունը վավերացնելու մասին, «Հայաստանի Հանրապետության կառավարության և Ղազախստանի Հանրապետության կառավարության միջև միգրացիայի ոլորտում համագործակցության մասին» համաձայնագիրը վավերացնելու մասին, Ոստիկանության բարևարքության և կարգապահական կանոնագիրք, «Ոստիկանության մասին» օրենքում լրացումներ և փոփոխություններ կատարելու մասին, «Ոստիկանությունում ծառայության մասին» օրենքում փոփոխություններ և լրացումներ կատարելու մասին, «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքում փոփոխություններ և լրացումներ կատարելու մասին, «Փրկարար ծառայության մասին» օրենքում փոփոխություններ և լրացում կատարելու մասին, «Փրկարարական ծառայության կանոնագիրքը հաստատելու մասին» օրենքում փոփոխություններ և լրացումներ կատարելու մասին, «Բնակչության բժշկական օգնության և սպասարկման մասին» օրենքում լրացում կատարելու մասին, «Կառավարության կառուցվածքի և գործունեության մասին» օրենքում փոփոխություն կատարելու մասին նախագծերը։

Հիմնական զեկույցներով հանդես եկան ՀՀ պաշտպանության փոխնախարար Հրաչյա Սարգսյանը, ՀՀ արդարադատության փոխնախարար Տիգրան Դադունցը, ՀՀ ներքին գործերի փոխնախարարներ Արմեն Մկրտչյանն ու Արմեն Ղազարյանը, իսկ հարակից զեկույցներով` հանձնաժողովի փոխնախագահ Արմեն Խաչատրյանը և հանձնաժողովի անդամներ Քրիստինե Պողոսյանը, Վահագն Ալեքսանյանը և Արտյոմ Մեհրաբյանը:

Նախագծերը ստացան դրական եզրակացություն: Հանձնաժողովը նաև որոշեց հաստատել Հայաստանի Հանրապետության Ազգային ժողովի պաշտպանության և անվտանգության հարցերի մշտական հանձնաժողովի ամդամների կողմից քաղաքացիների ընդունելության 2025-2026 թվականների ժամանակացույցը: