12.01.2026 | 19:25
Մարիո Բալոտելին նոր ակումբ ունի․ ԼՈՒՍԱՆԿԱՐ
Չի՛ լինելու արտատարածքային միջանցք, վե՛րջ, թեման փակ է․ ընդդիմությունը տառապում է մազոխիզմով․ Ռուբեն Ռուբինյան. ՏԵՍԱՆՅՈՒԹ
Քաղաքականություն
05.09.2025 | 20:00
ԱԺ փոխնախագահ, «Քաղաքացիական պայմանագիր» կուսակցության վարչության անդամ Ռուբեն Ռուբինյանը Factor TV-ին տված հարցազրույցում հերքել է ընդդիմության այն մեղադրանքները, թե, իբր, ՀՀ իշխանությունը միջանցք է տալիս Ադրբեջանին։
«Չի՛ լինելու արտատարածքային միջանցք, վե՛րջ, թեման փակ է»,- ասում է Ռուբինյանը։
Նրա խոսքով՝ ընդդիմադիր ուժերը հանրությանը խաբել են, թե Հայաստանն Ադրբեջանին միջանցք է տրամադրում, միաժամանակ չեն ասում, որ ՀՀ-ն էլ ճանապարհ է ստանում։ Ռուբինյանը շեշտում է, որ չի՛ կարող ՀՀ մաքսային ծառայությունը չլինել ՀՀ պետական սահմանին, հետևաբար, խոսել միջանցք տալու մասին, ըստ նրա, պարզապես ստախոսություն է։
Անդրադառնալով Վաշինգտոնում կայացած հանդիպմանը՝ Ռուբինյանն ասում է․ «Փաշինյանը և Ալիևը հայտարարեցին՝ կոնֆլիկտն ավարտված է․ բայց խաղաղությունը պիտի անշրջելի դառնա»։ Ըստ Ռուբինյանի՝ Շահրամանյանը, որը հրամանագրով հայտարարեց ԼՂ-ի լուծարման մասին, իրականում Քոչարյանի և Սերժ Սարգսյանի նախագիծն էր․ «Իրենք էին նրան ԼՂ-ում նախագահ դարձրել, հետո էլ լուծարեցին․ դա ուրացո՞ւմ չէր»։
Հաղորդումն ամբողջությամբ՝ տեսանյութում։
Ռոբերտ Անանյան
