19.12.2025 | 23:07
Պետությունը շարունակելու է աշխատանքներ իրականացնել սոցբնակարանային ֆոնդի ընդլայնման ուղղությամբ. ԱՍՀ նախարար
Bayraktar TB3-ը անօդաչուն ընդգրկվել է Թուրքիայի զինված ուժերի զինանոցում
Քաղաքականություն
04.09.2025 | 22:47
Թուրքիայի ազգային պաշտպանության նախարարությունը հինգշաբթի օրը հայտարարել է, որ տեղական արտադրության Bayraktar TB3 անօդաչու մարտական թռչող սարքը պաշտոնապես ընդգրկվել է Ցամաքային զորքերի կազմում։
Այս մասին հայտարարել է ՊՆ մամուլի և հասարակայնության հետ կապերի խորհրդական և նախարարության խոսնակ, կոնտրադմիրալ Զեքի Աքթյուրքը ամենշաբաթյա մամուլի ասուլիսի ժամանակ։
Անօդաչու թռչող սարքն ունի 8.35 մետր երկարություն և 14 մետր թևերի բացվածք, առավելագույն թռիչքային քաշը 1600 կգ է, իսկ օգտակար բեռը՝ 280 կգ, 170 ձիաուժ հզորությամբ տուրբոդիզելային շարժիչ և կարող է առանց դադարի թռչել ավելի քան 21 ժամ։
«Թուրքիայի զինված ուժերի ժամանակակից և հզոր պաշտպանական և անվտանգության կարողությունները շարունակում են ամրապնդվել ներքին և ազգային պաշտպանական արդյունաբերության արտադրանքով։ Մեր ցամաքային զորքերի հրամանատարությունն ավարտել է Bayraktar TB-3 անօդաչու թռչող սարքերի և ILTER J-350 խլացնող համակարգերի տարբեր քանակությունների ստուգման և ընդունման աշխատանքները»,-ասել է նա։
Խոսնակը նաև հայտարարել է, որ չորրորդ T-70 ուղղաթիռը ներառվել է Ռազմաօդային ուժերի հրամանատարության հաշվեկշռում։
Թարգմանությունը` Էմմա Չոբանյանի
