04.04.2026 | 13:47
Հնդկաստանի ԱԳ նախարարը երախտագիտություն է հայտնել Արարատ Միրզոյանին՝ Իրանից իր երկրի քաղաքացիների տարհանմանն աջակցելու համար
ԵՄ հատուկ ներկայացուցիչն այցելել է Տավուշի մարզ՝ անվտանգային ու մարդասիրական հարցերի հետ կապված
Քաղաքականություն
04.09.2025 | 19:27
«Իմ տարածաշրջանային այցի շրջանակներում անկեղծ շնորհակալություն եմ հայտնում նաև իմ Հայաստանի գործընկերներին՝ անցած օրերի ընթացքում կարևոր և բովանդակալից փոխանակումների համար»,- X-ի իր միկրոբլոգում գրել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Մագդալենա Գրոնոն՝ ամփոփելով Հայաստան կատարած իր վերջին այցը։ Նա նշել է, որ Երևանում հանդիպումներ է ունեցել ՀՀ փոխվարչապետ Մհեր Գրիգորյանի, Անվտանգության խորհրդի քարտուղար Արմեն Գրիգորյանի և առանցքային հաստատությունների այլ բարձրաստիճան պաշտոնյաների հետ։
«Մեր փոխանակումները կենտրոնացած էին Հայաստան-Ադրբեջան խաղաղության գործընթացի վրա՝ շեշտը դնելով կապի հարցերի, հնարավոր ապագա միջսահմանային համագործակցության և տարածաշրջանի բացման վրա՝ խաղաղության օգուտներով, ինչպես նաև Վաշինգտոնի պատմական համաձայնագրերից հետո հաշտեցման ջանքերի վրա»,-նշել է Գրոնոն։
«Նաև շատ տեղեկատվական այց ունեցա Տավուշի մարզ՝ անվտանգության և մարդասիրական հարցերի շուրջ։ ԵՄ-ն որպես մտերիմ գործընկեր, կշարունակի իր աջակցությունը Հայաստանին ու Ադրբեջանին լիարժեք խաղաղության հասնելու ուղղությամբ կոնկրետ քայլերի և միջոցառումների իրականացումն ապահովելու նպատակով»։
Հիշեցնենք, որ ավելի վաղ Գրոնոն այցով Ադրբեջանում էր։ Նա եղել էր նաև Նախիջևանում։
Թարգմանությունը՝ Էմմա Չոբանյանի
