03.11.2026 | 22:26
ԵՄ-ին դիմում ներկայացնելը 2027-ին, 2028-ին կարող է իրատեսական լինել. Փաշինյան. ՏԵՍԱՆՅՈՒԹ
ՌԴ դատարանը լրագրող, ակտիվիստ Կարեն Շահինյանին հեռակա կարգով 5 տարվա ազատազրկման է դատապարտել
Քաղաքականություն
04.09.2025 | 21:50
Մոսկվայի Սավելովսկի շրջանային դատարանը լրագրող և ԼԳԲՏ ակտիվիստ Կարեն Շաhինյանին հեռակա կարգով դատապարտել է հինգ տարվա ազատազրկման՝ Կոռուպցիայի դեմ պայքարի հիմնադրամին նվիրատվություններ կատարելու գործով (Քրեական օրենսգրքի 282.3 հոդվածի 1-ին մաս): Այս մասին հաղորդում է Current time-ը՝ Mediazona-յին հղումով։
Գործը հարուցվել է հիմնադրամին հազար ռուբլու երկու փոխանցումների առնչությամբ, որոնք իրականացվել են 2022 թվականի հունվարի 13-ից։ Շահինյանի պաշտպանը նշել է, որ նա մեղադրվում է «Տինկոֆ» բանկի քարտից փոխանցում կատարելու մեջ, սակայն գործին կցված է «Պրոմսվյազբանկ»-ի կողմից տրված գրությունը։
Շահինյանը երբեք հաշիվներ չի ունեցել այս բանկում, և դատարանները երբեք չեն հաստատել նման քաղվածքների ստացումը: «Պրոմսվյազբանկ»-ի քաղվածքում նշվում էր «Տինկոֆ» բանկից փոխանցումների մասին, մինչդեռ «Տինկոֆ» բանկի քաղվածքում ստացողի իդենտիֆիկատորները նշված չեն։
Կարեն Շահինյանը Ռուսաստանում զբաղվում է ԼԳԲՏ համայնքի խնդիրների լուսաբանմամբ։
2022 թվականի ապրիլին Ռուսաստանի արդարադատության նախարարությունը ակտիվիստին ավելացրել է «օտարերկրյա գործակալների» ցուցակում: 2023 թվականին նա ներառվել է Ռոսֆինմոնիտորինգի «ծայրահեղականների և ահաբեկիչների» ցուցակում, իսկ Ռուսաստանի ՆԳՆ-ն նրա նկատմամբ հայտարարել է հետախուզում։
Թարգմանությունը՝ Էմմա Չոբանյանի
