07.09.2026 | 20:36
Միրզոյանը և Լատվիայի նախագահը մտքեր են փոխանակել տարածաշրջանային զարգացումների շուրջ
Մահացել է Ջորջիո Արմանին․ նա 91 տարեկան էր
Քաղաքականություն
04.09.2025 | 17:39
Մահացել է իտալական նորաձևության ամենահայտնի դեմքերից մեկը՝ դիզայներ Ջորջիո Արմանին։ Այս մասին հայտնում են իտալական լրատվամիջոցները, գրում է Sky news-ը։
«Անսահման վշտով Armani Group-ը հայտարարում է իր ստեղծողի, հիմնադրի և անխոնջ շարժիչ ուժի՝ Ջորջիո Արմանիի մահվան մասին», – ասվում է նորաձևության տան հայտարարության մեջ, փոխանցում է Reuters-ը։
91-ամյա Արմանին ժամանակակից իտալական ոճի և նրբագեղության հոմանիշն էր։ Նա համատեղում էր դիզայների նրբագեղությունը գործարարի հմտության հետ՝ ղեկավարելով մի ընկերություն, որի տարեկան շրջանառությունը կազմում է մոտ 2.3 միլիարդ եվրո (2.7 միլիարդ դոլար)։
Նա վերջին շրջանում վատառողջ էր և բաց էր թողել Միլանի տղամարդկանց նորաձևության շաբաթի շրջանակներում իր ցուցադրություններից մեկը, ինչը նրա կարիերայում առաջին դեպքն էր։ Ընկերությունը հայտնել է, որ շաբաթ և կիրակի օրերին Միլանում կբացվի հուղարկավորության սրահ, հուղարկավորության օրը, սակայն, դեռ հայտնի չէ։
Թարգմանությունը՝ Էմմա Չոբանյանի
