03.11.2026 | 23:29
Թրամփը հայտարարել է, որ ԱՄՆ-ը կդադարեցնի Իսրայելին տարեկան 4 միլիարդ դոլարի օգնության տրամադրումը
Բրիտանիան Ուկրաինային ավելի քան 1 մլրդ ֆունտի զենք է մատակարարել ռուսական սառեցված ակտիվների հաշվին
Քաղաքականություն
04.09.2025 | 16:07
Մեծ Բրիտանիայի կողմից սառեցված ռուսական ակտիվների եկամուտները գնացել են Ուկրաինայի ռազմական օգնության վճարմանը։ Այս մասին հայտարարել է երկրի ՊՆ ղեկավար Ջոն Հիլին Կիև կատարած այցի ընթացքում։ Ավելի քան 1 մլրդ ֆունտ ստերլինգը հնարավորություն է տվել մատակարարել հարյուր հազարավոր միավոր հրետնաային զինամթերք և պահեստամասեր, կնքվել են նոր պայմանագրեր սպասարկման, սարքերի ու տրանսպորտային միջոցների վերանորոգման համար, գրում է The Insider-ը։
Պաշտոնական հաղորդագրության մեջ նշվում է, որ վերջին 50 օրվա ընթացքում Բրիտանիան Ուկրաինային մատակարարել է ՝ 4,7 մլն միավոր զինամթերք հրաձգային զենքի համար, 60,000 հրետանային արկ ու հրթիռն, ավելի քան 2500 ԱԹՍ, ավելի քան 200 ռադիոէլեկտոնային պայքարի միջոց, 100 միավոր թեթև սպառազինություն, 30 միավոր տեխնիկա, լրացուցիչ միջոցներ ՀՕՊ պաշտպանության ու ԱԹՍ-երի դեմ պայքարի համար։
Բացի այդ ՝ Բրիտանիայի կառավարությունը Ուկրաինային է տրամադրել 2,26 մլրդ ֆունտի վարկ, որը ևս մարվում է ռուսական սառեցված ակտիվների եկամուտների հաշվին։
Ջոն Հիլին հայտարարել է, որ Բրիտանիան մեծացնում է ռազմական աջակցությունը, որ օգնի Ուկրաինային պաշտպանել իրեն ռուսական ագրեսիայից ու միաժամանակ բոլոր ջանքերը գործադրում խաղաղության ապահովման համար՝ կամավորների կոալիցիայի հետ միասին։
Կիևում հանդիպման ընթացքում Հիլին ողջունել է երկու երկրների միջև ռազմաարդյունաբերական սեկտորների միջև ամրապնդվող կապերը։
Օգոստոսին էլ հայտնի էր դարձել, որ 2025թ-ի առաջին կեսին Ուկրաինան ստացել է ԵՄ սառեցված ռուսական ակտիվների եկամուտներից 10,1 մլրդ եվրո։ Այդ միջոցներն ուղղվել են ռազմական ու քաղաքացիական նախագծերի ֆինանսավորմանը։
Թարգմանությունը՝ Էմմա Չոբանյանի
