14.09.2026 | 20:30
Ադրբեջանը սարքել է եվրոպացի դիվանագետների գլխին՝ մասնակից դարձնելով իր կազմակերպած շոուին․ Էդգար Առաքելյան. ՏԵՍԱՆՅՈՒԹ
Google-ում և Youtube-ում խափանումները վերացվել են, պատճառն այս պահին հայտնի չէ․ Սամվել Մարտիրոսյան
04.09.2025 | 13:02
Դեռևս պաշտոնական որևէ տեղեկություն չկա, թե որն է եղել Google-ում և Youtube-ում խափանումների պատճառը։ Այս մասին Factor.am-ի հետ զրույցում հայտնեց տեղեկատվական անվտանգության փորձագետ Սամվել Մարտիրոսյանը։ Ըստ փորձագետի՝ նման խնդիրներ սովորաբար լինում են ծառայությունների տվյալների կենտրոնում տեխնիկական խափանումների հետևանքով։
«Google-ում և Youtube-ում խափանումների պատճառն այս պահին հայտնի չէ: Նշեմ, որ պատճառների մասին այդքան արագ տեղեկատվություն չի լինի, Google-ն այս պահին դեռ լուռ է: Այնպես չէ, որ խափանումները բոլոր տեղերում են վերացրել, վերջին տվյալներով Թուրքիայում խնդիրը դեռ չի վերացել»,- հավելեց մասնագետը։
Սամվել Մարտիրոսյանի խոսքով՝ աշխարհի ոչ բոլոր երկրներում են խափանումներ եղել։ Նրա տեղեկացմամբ՝ որոնողական համակարգը և մյուս ծառայությունները չեն գործել Թուրքիայում, Բուլղարիայում, Հունաստանում, Գերմանիայում, Ֆրանսիայում, Անգլիայում, ինչպես նաև մեր տարածաշրջանի երկրներում։
Հիշեցնենք, որ առավոտյան 11:10-ի սահմաններում Google-ում և Youtube-ում խափանումներ են եղել, օգատատերերը չեն կարողացել օգտվել որոնողական համակարգից և մյուս ծառայություններից։ Google-ում և Youtube-ում խափանումներն արդեն վերացվել են և ծառայությունները կրկին հասանելի են։
Մանյա Պողոսյան
