06.12.2025 | 17:21
Երևանի 3 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
ՌԴ-ն զգուշավոր լավատեսությամբ է նայում Հայաստանի ու Ադրբեջանի միջև նախաստորագրված համաձայնագրին․ Օվերչուկ
Տնտեսություն
04.09.2025 | 13:27
«Ռուսաստանը զգուշավոր լավատեսությամբ է նայում Հայաստանի ու Ադրբեջանի միջև նախաստորագրված համաձայնագրին, դա ներդրում է տարածաշրջանում խաղաղության ամրապնդման համար»,- այս մասին հայտարարել է ՌԴ փոխվարչապետ Ալեքսեյ Օվերչուկը Արևելյան տնտեսական ֆորումի նիստում, հաղորդում է ՏԱՍՍ-ը։
«Մենք շատ զգուշավոր լավատեսությամբ ենք նայում Հայաստանի ու Ադրբեջանի միջև նախաստորագրված համաձայնագրին։ Սա ևս կարևոր ներդրում է մեր մեծ Եվրասիական շրջանում խաղաղության ամրապնդման համար»,-ասել է Օվերչուկը։
Բացի այդ ՝ նա հայտարարել է, որ մինչև տարեվերջ Հայաստանի հետ առևտրի ծավալը երկու անգամ կկրճատվի 2024-ի համեմատ։
«Ինչ վերաբերում է Ռուսաստանի ու Հայաստանի առևտրին, այն կրճատվել է, արդեն զգալի կրճատվել է և մենք ակնկալում ենք, որ տարվա վերջին նախորդ տարվա համեմատ այն երկու անգամ կնվազի։ Այսինքն՝ եթե անցյալ տարի այն 12,4 մլրդ դոլար էր, այս տարի, հավանաբար, կլինի 6-ի շրջանում, միգուցե մի փոքր ավելի»,- հայտարարել է ՌԴ փոխվարչապետը։
Թարգմանությունը՝ Էմմա Չոբանյանի
