20.08.2026 | 18:10
Երկաթուղին կվերականգնվի ՀՀ բյուջեի հաշվին // Սերժ Սարգսյանն իր գործերով նիստերին չի մասնակցի․ ԼՈՒՐԵՐ
Ադրբեջանը հարձակվելո՞ւ է ԱՄՆ-ի վրա, ո՛չ իհարկե․ պատերազմը կանխվում է ՀՀ-ում ամերիկյան ներկայությամբ․ Կայծ Մինասյան. ՏԵՍԱՆՅՈՒԹ
Քաղաքականություն
03.09.2025 | 21:00
Ֆրանսիայում բնակվող քաղաքագետ Կայծ Մինասյանը Factor TV-ի հետ զրույցում պնդում է, որ պատերազմի վտանգը նվազեց Վաշինգտոնի հանդիպումով, քանի որ ՀՀ-ն և Ադրբեջանը խաղաղության են գնում ԱՄՆ միջնորդությամբ․ «Ադրբեջանը հարձակվելո՞ւ է ԱՄՆ-ի վրա, ո՛չ իհարկե, պատերազմը կանխվում է ՀՀ-ում ամերիկյան ներկայությամբ։ Ադրբեջանը չկարողացավ ՀՀ-ին պատժել՝ իր ուզած խաղաղությունը հարկադրել, ԱՄՆ-ն Ալիևին ստիպեց մտնել իրավունքի դաշտ։ ԱՄՆ-ն գալիս է ռեգիոն՝ իբրև անվտանգության համակարգ․ Թրամփը ստորագրել է Փաշինյանի և Ալիևի հետ նույն փաստաթղթի տակ։ Ընդդիմությունն ուզում է՝ ԱՄՆ-ն չգա, որ ՌԴ-ն օգնի իրենց՝ ՀՀ իշխանությանը տապալել, որ նոր իրավիճակ ստեղծվի, էլի սկսենք զոհվել»,- կարծիք հայտնեց Կայծ Մինասյանը։
Ըստ նրա՝ հայկական կողմը պարտվեց դեռ 1994-ին, երբ Ադրբեջանին չճնշեց՝ քաղաքական հաղթանակ չտարավ, և հիմա վճարում է պարտության գինը․ «Ռուսներն ուզեցին ՀՀ-ն գաղութ լինի ՌԴ-ի կազմում, չդառնա պետություն, մեր վերնախավերը ՌԴ շահերն սպասարկեցին, ոչ՝ մեր։ Ժողովուրդն արթնանում է՝ պատերազմ էլ չի ուզում, այնքան խաբեցին՝ քաղաքական վերնախավերին էլ չի հավատում։ Քոչարյանը և ՀՅԴ-ն սխալ են՝ առանց ՌԴ-ի՝ ՀՀ-ն չեն պատկերացնում պետություն, զոհվեցինք ՌԴ-ի համար, ստացանք աղետ, այլևս չպիտի զոհվենք»,- նշեց քաղաքագետը։
Հարցազրույցն ամբողջությամբ՝ տեսանյութում։
Ռոբերտ Անանյան
