20.08.2026 | 18:00
Ունենք նոր թեկնածուներ, որոնց անունները չենք ցանկանում տալ. Տիգրան Աբրահամյան․ ՏԵՍԱՆՅՈՒԹ
Թբիլիսիի դատարանը եվրոպամետ բողոքի ցույցերի 11 մասնակցի ազատազրկման է դատապարտել
Քաղաքականություն
03.09.2025 | 19:13
Թբիլիսիի քաղաքային դատարանի դատավոր Նինո Գալուստաշվիլին ազատազրկման է դատապարտել եվրոպամետ բողոքի ցույցերի 11 մասնակիցների, որոնց մեղադրում էին «խմբային բռնության» մեջ։ Նրանց թվում են դերասան Անդրո Չիչինաձեն և կատակերգու Օնիս Ցխադաձեն։
Ինչպես մյուս ութ ցուցարարների դեպքում՝ նրանց մեղադրանքները վերաորակավորվել են․ բոլորը մեղավոր են ճանաչվել Վրաստանի քրեական օրենսգրքի 226-րդ հոդվածով՝ «Հասարակական կարգը խախտող խմբային գործողությունների կազմակերպում կամ դրանց ակտիվ մասնակցություն»։
Երկու տարվա ազատազրկման են դատապարտվել Անդրո Չիչինաձեն, Օնիսե Ցխադաձեն, Գուրամ Միրցխուլավան, Լուկա Ջաբուան, Ջանո Արչայան, Ռուսլանա Սիվակովան, Ռևազ Կիկնաձեն, Գեորգի Տերիշվիլին, Վալերի Տետրաշվիլին, Սերգեյ Կուխարչուկը, Իրակլի Կերաշվիլին։
2024 թվականի վերջին քրեական հոդվածներով ձերբակալված ցուցարարների գործերի քննությունն ավարտվում է։ Նախօրեին դատավճիռներ են կայացվել ինը մարդու նկատմամբ, այդ թվում՝ թմրանյութեր պահելու մեջ մեղադրվող ռուս Անտոն Չեչինի։
Այսօր առավոտյան եվրոպամետ բողոքի ցույցերի մեկ այլ մասնակից՝ Սաբա Սխվիտարիձեն, մեղավոր էր ճանաչվել Քրեական օրենսգրքի 120-րդ հոդվածով («Դիտավորությամբ թեթև մարմնական վնասվածք հասցնելը») և դատապարտվել 2 տարվա ազատազրկման։
Թարգմանությունը՝ Էմմա Չոբանյանի
