19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Ճանապարհների բացումից ՀՀ-ն ավելի կշահի, քան Ադրբեջանը և Թուրքիան․ մեզ պատժել են շրջափակելով. Հայկ Գևորգյան. ՏԵՍԱՆՅՈՒԹ
Տնտեսություն
03.09.2025 | 20:00
ԱԺ նախկին պատգամավոր, տնտեսական մեկնաբան Հայկ Գևորգյանը Factor TV-ի հետ զրույցում պնդում է, որ Վաշինգտոնում օգոստոսի 8-ի պայմանավորվածությունները և նախատեսվող ապաշրջափակումը աննախադեպ երևույթներ են ՀՀ-ի համար․ «Մենք երբեք բաց ճանապարհներ չենք ունեցել, այս պրոցեսից միայն կշահենք։ Ճանապարհների բացումից ՀՀ-ն ավելի կշահի, քան՝ Ադրեբջանը և Թուրքիան, նրանք են փակել ճանապարհները՝ պատժելու նպատակով։ ԱՄՆ-ի հետաքրքրությունը ՀՀ-ի հանդեպ աշխարհաքաղաքական է, հետո նոր՝ տնտեսական․ ռեգիոնի դերն աճում է»,- ասաց Հայկ Գևորգյանը։
Տնտեսական մեկնաբանը պնդում է, որ ՌԴ-ն և Իրանը անկայուն երկրներ են և ըստ կանխատեսումների՝ նրանց խնդիրները չեն վերջանալու առաջիկա տարիներին․
«Մեր ռեգիոնի դերն աճում է՝ ինտեգրացիոն ուղիներն անցնում են այստեղով․ ԱՄՆ-ին և ԵՄ-ին հենց դա է հետաքրքրում, ԱՄՆ-ի և ՀՀ-ի շահերը համընկնում են ապաշրջափակման հարցով, և մենք այս իրավիճակում պիտի առավելագույն արդյունք քաղենք։ Ապաշրջափակումը ՀՀ-ին շոկային դրական փոփոխություններ կբերի։ Մեր արտադրողները արտահանման ավելի կարճ և էժան ուղիներ կստանան։ ՀՀ-ն պիտի փոխվի մտածելակերպով՝ օգուտներ քաղելու համար, և տնտեսական մեծ աճ կլինի։ Մենք երբեք չենք ապրել խաղաղության և ապաշրջափակման պայմաններում, չգիտենք՝ դա ինչ է, մեր վախերը դրանից են գալիս»։
Հարցազրույցն ամբողջությամբ՝ տեսանյութում։
Ռոբերտ Անանյան
