13.11.2024 | 23:28
Էրդողանը Թրամփի հետ հանդիպման հույս է հայտնել և խոսել Մասկի հետ համագործակցելու ցանկության մասին
Բոդրումում փախստականներ տեղափոխող նավ է խորտակվել
Քաղաքականություն
22.10.2018 | 20:41
Հոկտեմբերի 22-ին Թուրքիայի Բոդրում շրջանից շուրջ 20 փախստական փորձել են մոտորանավակով ապօրինաբար անցնել Հունաստանի Կոս կղզի: Սակայն նավը խորտակվել է, իսկ փախստականներից 2-ի կյանքը չի հաջողվել փրկել. տեղեկացնում է ermenihaber-ը:
Հունական կղզի ընթացող նավը ափից 50 մ հեռավորության վրա է խորտակվել: Թուրքիայի առափնյա անվտանգության ծառայության հաղորդած տեղեկության համաձայն` դեպքի վայր են ժամանել 3 առափնյա անվտանգության նավակ և 1 ջրափրկարարական ջոկատ:
Էգեյան ծովում կատարված որոնողափրկարարական աշխատանքների արդյունքում փախստակններից մեծ մասին հաջողվել է փրկել: Սակայն փախստականներից 2-ը, որոնք երեխաներ էին, հիվանդանոցում մահացել են:
2 անձ բերման է ենթարկվել ապօրինի փախուստ կազմակերպելու մեղադրանքով:
