07.09.2026 | 16:58
Երևանի գերեզմանատան հարակից տարածքում «ԱԿ-47» ինքնաձիգ և փամփուշտներ են հայտնաբերվել
Զելենսկին Փարիզում կմասնակցի Մակրոնի և Սթարմերի նախագահությամբ «կամավորների կոալիցիայի» հանդիպմանը
Քաղաքականություն
01.09.2025 | 20:34
Փարիզում սեպտեմբերի 4-ին տեղի կունենա «կամավորների կոալիցիայի» (Ուկրաինային աջակցելու ծրագիրը մշակող երկրների խումբ) հանդիպումը՝ Ֆրանսիայի նախագահ Էմանուել Մակրոնի և Մեծ Բրիտանիայի վարչապետ Քիր Սթարմերի նախագահությամբ։
Ֆրանսիական Le Monde-ը, հղում անելով Ելիսեյան պալատին, հայտնում է, որ հանդիպումը, որին կմասնակցի նաև Ուկրաինայի նախագահ Վլադիմիր Զելենսկին, կանցկացվի հիբրիդային ձևաչափով, փոխանցում է BBC-ի ռուսական ծառայությունը։
«Օգոստոսի 19-ին Վաշինգտոնում կայացած եվրոպացիների և ամերիկացիների հանդիպումից հետո պետությունների ու կառավարությունների ղեկավարները կքննարկեն վերջին շաբաթներին Ուկրաինայի անվտանգության երաշխիքների վերաբերյալ կատարված աշխատանքը և կվերլուծեն Ռուսաստանի կողմից խաղաղություն կնքելու համառ մերժման հետևանքները»,- հայտարարել է Ֆրանսիայի նախագահի աշխատակազմը։
Ուկրաինայի նախագահ Վլադիմիր Զելենսկին այդ որը կժամանի Փարիզ՝ եվրոպացի առաջնորդների հետ հանդիպելու համար։
Ավելի վաղ լրատվամիջոցները, հղում անելով աղբյուրներին, հայտնել էին, որ Մակրոնից և Սթարմերից բացի՝ գագաթնաժողովին կմասնակցեն Գերմանիայի կանցլեր Ֆրիդրիխ Մերցը, ՆԱՏՕ-ի գլխավոր քարտուղար Մարկ Ռյուտեն և Եվրահանձնաժողովի նախագահ Ուրսուլա ֆոն դեր Լեյենը։
Թարգմանությունը՝ Էմմա Չոբանյանի
