16.07.2026 | 15:31
Կհստակեցվեն ուսուցիչներին լրավճարի տրամադրման մեխանիզմները
Թրամփի ներկայությունը պատերազմը կարող է հետաձգել, բայց նա ինստիտուցիոնալ խոչընդոտ չէ Ալիևի ագրեսիային․ Խոսրով Հարությունյան․ ՏԵՍԱՆՅՈՒԹ
Քաղաքականություն
01.09.2025 | 21:00
ՀՀ նախկին վարչապետ Խոսրով Հարությունյանը Factor TV-ի հետ զրույցում պնդում է, որ ՀՀ-ն դատապարտված է հարևանների հետ բարիդրացիական հարաբերություն ունենալ, եթե ուզում է խաղաղ և դինամիկ զարգանալ։
«Ապաշրջափակումը Հայաստանի համար լավագույն շանսն է՝ գլոբալ ուժերի մեգանախագծում հայտնվելու, այդ խոշոր ուժերը մեր անվտանգությամբ հետաքրքրված կլինեն։ Ապաշրջափակումը կնպաստի Թուրքիայի և Ադրբեջանի հետ խաղաղությունն անշրջելի դարձնելուն՝ տնտեսական գործակցությամբ։ Ապաշրջափակումը կարող է անվտանգություն բերել՝ Ադրբեջանին զերծ պահել ՀՀ-ի դեմ ուժ կիրառելու գայթակղությունից։ Բայց ես դեմ եմ Մեղրիով որևէ կոմունիկացիայի բացմանը՝ Ադրբեջանից դեպի Թուրքիա, ՀՀ-ի շահից բխում է Ղազախ-Իջևան հատվածով երկաթուղին»,- ասում է Խոսրով Հարությունյանը։
Նրա պնդմամբ՝ անվտանգային միջավայրն ամբողջապես ձևավորված չի կարելի համարել։
«Մեր գլուխը Ադրբեջանի երախի մեջ է, ուժի կիրառման սպառնալիք է առկա, քանի որ օկուպացրել է ՀՀ-ի բարձունքները և դուրս չի գալիս։ Թրամփի ներկայությունը կարող է պատերազմը հետաձգել, բայց նա ինստիտուցիոնալ խոչընդոտ չէ Ալիևի ագրեսիային»,- ասաց Խոսրով Հարությունյանը։
Նա խոսել է տարածաշրջանի ապաշրջափակման հավանականության, տնտեսական հարաբերությունների զարգացման հնարավորությունների, անվտանգության և տնտեսության միջև եղած կապերի, հարակից այլ թեմաների մասին։
Հարցազրույցն ամբողջությամբ՝ տեսանյութում։
Ռոբերտ Անանյան
