Քաղաքականություն
01.09.2025 | 21:12
Ռուսաստանի և Ադրբեջանի միջև տնտեսական համագործակցությունը շատ կարևոր է երկու երկրների համար, աշխատանքներ են տարվում հարաբերությունների բարելավման ուղղությամբ: Այս մասին լրագրողներին ասել է Ռուսաստանի փոխվարչապետ Ալեքսեյ Օվերչուկը, գրում է ՏԱՍՍ-ը։
«Մենք անցկացրել ենք միջկառավարական հանձնաժողովի նիստ, տնտեսական ոլորտի հետ կապված երկուսս էլ նշեցինք, որ մեր համագործակցությունը զարգանում է։ Ռուսաստանի և Ադրբեջանի միջև գոյություն ունեցող համագործակցությունը շատ կարևոր է մեր երկու երկրների համար, և մենք աշխատում ենք այդ հարաբերությունները բարելավելու ուղղությամբ»,- ասել է Օվերչուկը՝ պատասխանելով Ադրբեջանի հետ հարաբերությունների վերականգնման հնարավորության մասին հարցին։
Հավելենք, որ ՌԴ-Ադրբեջան միջխորհրդարանական հանձնաժողովի վերջին նիստը տեղի է ունեցել 2025 թվականի օգոստոսի 22-ին Աստրախանում։
Բացի այդ, 2024 թվականի դեկտեմբերի 25-ին Ղազախստանի Ակտաու քաղաքի մոտակայքում վթարի էր ենթարկվել «Ադրբեջանական ավիաուղիների»՝ AZAL-ի J2-8243 չվերթի Embraer 190AR ուղևորատար օդանավը։ Դրանում եղել է 67 մարդ՝ 62 ուղևոր և անձնակազմի 5 անդամ։ Վթարի հետևանքով զոհվել է 38 մարդ, 29-ը՝ ողջ մնացել։ Աղետի պատճառը, ըստ ադրբեջանական կողմի, ռուսական հակաօդային հրթիռային հարվածն է եղել։
Թարգմանությունը՝ Էմմա Չոբանյանի
