04.11.2026 | 10:03
Փաշինյանի անունով Telegram-ում կեղծ օգտահաշիվ է բացվել․ խոսնակը զգուշացնում է հնարավոր խարդախության մասին
Արտակարգ դեպք Սիդնեյում․ մեքենան կոտրել է դարպասներն ու մտել ՌԴ գլխավոր հյուպատոսության տարածք․ ՏԵՍԱՆՅՈՒԹ
Քաղաքականություն
01.09.2025 | 14:04
Ավստրալիայում ավտոմեքենան կոտրել է Սիդնեյում գտնվող Ռուսաստանի գլխավոր հյուպատոսության դարպասներն ու մտել դիվանագիտական ներկայացուցչության տարածք, գրում է Meduza-ն։
Ըստ The Sydney Morning Herald-ի՝ տեղական ժամանակով 08:00-ի սահմաններում ոստիկանությունն ազդանշան է ստացել Ֆուլերթոն փողոցում կայանված կասկածելի մեքենայի մասին։ Երբ ոստիկանությունը փորձել է խոսել Toyota Kluger-ի վարորդի հետ, նա հեռացել է և մխրճվել Ռուսաստանի գլխավոր հյուպատոսության դարպասների մեջ։
Ոստիկանությունը շրջապատել է մեքենան և պահանջել, որ վարորդը լքի այն։ Վարորդը չի դիմադրել և հանձնվել է։ 39-ամյա տղամարդը ձերբակալվել է, նրա գործողությունների դրդապատճառները չեն ներկայացվում։
Ըստ տեղեկությունների՝ գործողության ընթացքում ոստիկաններից մեկը ձեռքի վնասվածք է ստացել։
Թարգմանությունը՝ Էմմա Չոբանյանի
