29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Ինդոնեզիայի նախագահը չեղարկել է այցը Չինաստան զանգվածային բողոքի ակցիաների պատճառով
Քաղաքականություն
31.08.2025 | 21:42
Բողոքի ակցիաներն ու բախումները շարունակվում են Ինդոնեզիայում, արդեն կան զոհեր, փոխանցում է Euronews-ը։
Նախագահ Պրաբովո Սուբիանտոն չեղարկել է իր այցը Չինաստան, որտեղ նախատեսում էր մասնակցել Երկրորդ համաշխարհային պատերազմի ավարտի և Ճապոնիայի կապիտուլյացիայի կապակցությամբ սեպտեմբերի 3-ին նախատեսված Հաղթանակի շքերթին։
«Նախագահը ցանկանում է անձամբ հետևել իրավիճակին Ինդոնեզիայում և գտնել լավագույն լուծումները, այդ իսկ պատճառով նա ներողություն է խնդրում Չինաստանի կառավարությունից, որ չկարողացավ ընդունել հրավերը»,-հայտնել են պետության ղեկավարի գրասենյակից։
Բողոքի ակցիաները սկսվել են Ջակարտայում ուրբաթ օրը։ Անմիջական պատճառ դարձավ ոստիկանության ներկայացուցիչների կողմից խորհրդարանի շենքի մոտ մոտոցիկլավարին վթարի ենթարկելու դեպքը։
Անկարգությունները արագ տարածվեցին նաև այլ քաղաքներում․ ցուցարարները երեք նահանգներում այրել են տեղական խորհրդարանների շենքերը։ Մակասարում հրդեհի հետևանքով զոհվել է երեք մարդ։
Բալին ոստիկանությունը ցուցարարների դեմ կիրառել է արցունքաբեր գազ։
Կառավարության կարծիքով՝ հակակառավարական տրամադրությունները սրվում են սոցիալական ցանցերում տարածվող ապատեղեկատվության պատճառով։ Իշխանությունները կոչ են արել հարթակներին, այդ թվում՝ TikTok-ին և Meta-ին, ուժեղացնել բովանդակության մոդերացիան և անջատել ուղիղ եթերների հնարավորությունը, որը հնարավորություն է տալիս իրական ժամանակում լուսաբանել իրադարձությունները։
