15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
Փաշինյանը և Պուտինը հանդիպել են Չինաստանում
Քաղաքականություն
31.08.2025 | 17:25
Հրապարակվել են Չինաստանում Հայաստանի և Ռուսաստանի առաջնորդների հանդիպման առաջին կադրերը։
Նրանք հանդիպել են Շանհայի համագործակցության կազմակերպության (ՇՀԿ) գագաթնաժողովի շրջանակում, հաղորդում է РИА Новости-ի թղթակիցը։
Պուտինը Փաշինյանի հետ հանդիպման ընթացքում նշել է, որ ուրախ է զրույցի հնարավորության համար, քանի որ կուտակվել են բազմաթիվ հարցեր՝ ինչպես երկկողմ, այնպես էլ տարածաշրջանային բնույթի, և հույս է հայտնել, որ ՇՀԿ գագաթնաժողովի շրջանակում նրանց զրույցը կլինի օգտակար և բովանդակալից։
Փաշինյանը պատասխանել է, որ ուրախ է այն գործընկերության և երկխոսության համար, որոնք գոյություն ունեն Ռուսաստանի և Հայաստանի միջև, և երկու երկրները անվանել է եղբայրական։
Գագաթնաժողովի միջոցառումները տեղի են ունենում Չինաստանի Թիենծին քաղաքի «Մեյցզյան» միջազգային կոնգրեսա-ցուցահանդեսային կենտրոնում։
Գագաթնաժողովը բացվել է կիրակի օրը՝ կազմակերպիչ երկրի ղեկավար Սի Ծինփինi անունից պատվիրակությունների ղեկավարների համար կազմակերպված հանդիսավոր ընդունելությամբ։
Գագաթնաժողովի պաշտոնական ծրագիրը կմեկնարկի սեպտեմբերի 1-ին։
