05.12.2025 | 20:45
Կեղծ ԱԱԾ-ականներ, AI-ով գեներացված ձայն․ կիբերզեղծարարները հասել են պաշտոնյաներին. ՏԵՍԱՆՅՈՒԹ
ՏԿԵ նախարարն այցելել է Վաղարշապատ համայնքի մի շարք շինհրապարակներ
Տնտեսություն
30.08.2025 | 18:44
ՀՀ տարածքային կառավարման և ենթակառուցվածքների նախարար Դավիթ Խուդաթյանը, Արմավիրի մարզպետի պարտականությունները կատարող Բարսեղ Նիկողոսյանն ու Վաղարշապատ համայնքի ղեկավարի պաշտոնակատար Արգիշտի Մեխակյանը, ոլորտային պատասխանատուների ուղեկցությամբ, այցելել են Վաղարշապատ համայնքի մի շարք շինհրապարակներ՝ ծանոթանալու ընթացիկ աշխատանքներին:
Գերատեսչությունից փոխանցում են, որ շրջայցը մեկնարկել է Զվարթնոց թաղամասի Արագած 2-րդ զանգվածում, մասնավորապես՝ 1/1, 7 և 8 բազմաբնակարան շենքերի բակերում։ Այստեղ արդեն իսկ ընթանում են բակային տարածքների բարեկարգման ու ասֆալտապատման աշխատանքներ, որը կապահովի անվտանգ և հարմարավետ պայմաններ բնակիչների համար։
«Այնուհետև պատասխանատուները այցելել են Սուրբ Մովսես Խորենացի փողոց, որտեղ նույնպես իրականացվում են ասֆալտապատման աշխատանքներ։
Աշխատանքները կշարունակվեն նախատեսված ժամանակացույցի համաձայն»,- ասված է հաղորդագրությունում։
