07.03.2026 | 18:10
Դատախազությունը, չնայած բոլոր սադրանքներին, միշտ լինելու է բարեկիրթ, հարգալից և պրոֆեսիոնալ. Աննա Վարդապետյան
Մենք շատ երջանիկ ենք, որ «Նոան» կրկին եվրոպական մրցաշարում է․ Աննա Օհանյանը՝ UEFA–ի մեդիային հարցազրւյց է տվել
30.08.2025 | 19:24
«Նոայի» զարգացման տնօրեն Աննա Օհանյանը հարցազրույց է տվել UEFA–ի մեդիային։
Հարցազրույցից մի հատված՝ ստորև․
«Շատ ոգևորված ենք երկրորդ տարին անընդմեջ այստեղ լինելու համար։ Սա պատմական քայլ է «Նոայի» համար, քանի որ «Նոան» առաջին հայկական ակումբն է, որը որակավորվում է ՈՒԵՖԱ-ի մրցաշարի հիմնական փուլ երկրորդ տարին անընդմեջ։ Այնպես որ, մենք պատվով ենք ընդունում այս փաստը և հույս ունենք, որ կուրախացնենք և հպարտանալու առիթներ կտանք հայ երկրպագուներին։
Վիճակահանությունը շատ հետաքրքիր էր, և այն մեզ կտա ավելի շատ հնարավորություններ բացահայտելու մեր ուժեղ կողմերը։ Մենք շատ ոգևորված ենք հանդիպելու մեր նոր գործընկերներին և ակումբներին՝ ավելի մրցակցային և ուժեղ դառնալու ճանապարհին։ Սա մեր երկրպագուների համար է առաջին հերթին, ինչպես նաև հայկական ֆուտբոլի երկրպագուների համար։ Մենք շատ երջանիկ ենք, որ «Նոան» կրկին եվրոպական մրցաշարում է։ Սա մեծ քայլ է մեզ համար։
Արդեն երկու տարի է, ինչ մեր ակումբի նախագահը ձեռք է բերել «Նոան», և մենք դարձել ենք չեմպիոն, Գավաթակիր, նախորդ տարի որակավորվեցինք Լիգայի փուլ, այս տարի ևս։ Այնպես որ, մենք շատ ոգևորված ենք առաջ գնալու ավելի հավակնոտ նպատակներով»:
