21.06.2026 | 19:02
Ջեյ Դի Վենսը հայտնել է Իրանի հետ բանակցություններում առաջընթացի մասին
«Զանգեզուրի միջանցքի» հետ կապված կոնկրետ բան չկա․ վստահում ենք ադրբեջանցի եղբայրներին․ Թուրքիայի ԱԳ նախարար
Քաղաքականություն
29.08.2025 | 11:03
Հայաստանի և Ադրբեջանի միջև կնքված մի շարք համաձայնագրերը, ինչպես նաև Ադրբեջանի և ԱՄՆ-ի միջև կնքված համաձայնագիրը շատ դրական պատկեր են ստեղծել տարածաշրջանի համար։ Այս մասին հայտարարել է Թուրքիայաի ԱԳ նախարար Հաքան Ֆիդանը TGRT Haber-ին տված հարցազրույցում՝ անդրադառնալով Վաշինգտոնում օգոստոսի 8-ին Հայաստանի և Ադրբեջանի միջև կնքված համաձայնագրերին։
«Այս հարցն առաջ է մղվել մեր ադրբեջանցի եղբայրների՝ մեզ հետ խորհրդակցելուց հետո։ «Զանգեզուրի միջանցքի» հետ կապված կոնկրետ բան չկա։ Կողմերը միմյանց հետ կբանակցեն և կորոշեն, թե ով է այն շահագործելու և ինչ է լինելու»,- ասել է Ֆիդանը։
Նա հավելել է, թե թուրքական կողմի դիրքորոշումը հիմնված է վստահության վրա։
«Մենք վստահում ենք մեր ադրբեջանցի եղբայրներին և սերտ համագործակցում ենք։ Այնտեղի գործընկերները, մասնավորապես, Իլհամ Ալիևը, տաղանդավոր մարդիկ են։ Նիկոլ Փաշինյանի դիրքորոշումն ու քաղաքական ռիսկի դիմելը նույնպես գովասանքի է արժանի»,- ասել է Հաքան Ֆիդանը։
Հիշեցնենք, որ Վաշինգտոնում Հայաստանի ու Ադրբեջանի միջև ստորագրված փաստաթղթերից հետո ՀՀ վարչապետ Նիկոլ Փաշինյանը հեռախոսազրույց էր ունեցել Թուրքիայի նախագահ Ռեջեփ Թայիփ Էրդողանի հետ։
Թարգմանությունը՝ Էմմա Չոբանյանի
