01.04.2026 | 22:51
Լիբանանում գտնվող 39 մշակութային օբյեկտների տրամադրվել է «ուժեղացված պաշտպանության» կարգավիճակ. ՀՀ-ն մասնակցել է նիստին
ԱՄՆ-ի և Վրաստանի ներկայացուցիչները Թբիլիսիում քննարկել են ՀՀ-Ադրբեջան խաղաղության համաձայնագիրը
Քաղաքականություն
28.08.2025 | 19:49
Վրաստանի էկոնոմիկայի և կայուն զարգացման նախարար Մարիամ Կվրիվիշվիլին հանդիպել է երկրում ԱՄՆ դեսպանի պաշտոնակատար Ալան Փերսելի հետ։ Այս մասին հայտնում է Վրաստանի էկոնոմիկայի և կայուն զարգացման նախարարությունը։
Հանդիպման ընթացքում քննարկվել են Վրաստանի և ԱՄՆ-ի միջև համագործակցության առաջնահերթ ոլորտները։ Ընդգծվել է երկկողմ ռազմավարական գործընկերության կարևորությունը։ Նշվել է, որ վրացական կողմը հետաքրքրված է ԱՄՆ-ի հետ հարաբերությունների վերակարգավորմամբ և ռազմավարական համագործակցության վերականգնմամբ։
Վրացի նախարարը շեշտել է ԱՄՆ նախագահ Թրամփի խաղաղարար նախաձեռնությունների, այդ թվում՝ հայ-ադրբեջանական խաղաղության համաձայնագրի կարևորությունը, որը նոր զարգացման հնարավորություններ է բացել Հարավային Կովկասի տարածաշրջանում։ Նա ասել է, որ ձեռք բերված արդյունքները կարևոր են տարածաշրջանում խաղաղության և անվտանգության պահպանման համար, ինչը Վրաստանի կառավարության քաղաքականության առաջնահերթություններից է։
Կողմերը քննարկել են տնտեսական համագործակցության լայն շրջանակ, այդ թվում՝ երկկողմ առևտրի, ներդրումների և տրանսպորտի առումով։ Բացի այդ, անդրադարձ է եղել Միջին միջանցքի զարգացման կարևորությանը։ Ընդգծվել է Վրաստանի դերը որպես տարածաշրջանային տարանցիկ նախագծերի հիմնական խաղացող, ինչպես նաև Միջին միջանցքի զարգացման կարևորությունը՝ որպես Եվրոպան և Ասիան կապող կայուն, անվտանգ և արդյունավետ տարանցիկ երթուղի։
Թարգմանությունը՝ Էմմա Չոբանյանի
