05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Կարմիրբերետավորի՝ լրագրողին հարվածելու գործը կուղարկվի դատարան․ խափանման միջոց է կիրառվել բացակայելու արգելքը
Հասարակություն
28.08.2025 | 16:12
Բողոքի ակցիայի վայրում 24news.am լրատվական կայքի լրագրող Մերի Մանուկյանի նկատմամբ կարմիրբերետավորի կողմից բռնություն կիրառելու դեպքով նախաձեռնված քրեական վարույթով նախաքննությունն ավարտվել է, գործն ուղարկվելու է դատարան։ Այս մասին հայտնել է փաստաբան Ռուբեն Մելիքյանը։
Ոստիկանին մեղադրանք է առաջադրվել բռնությամբ ծառայողական լիազորությունները չարաշահելու հատկանիշով, որը նախատեսում է 4-8 տարի ժամկետով ազատազրկում։ Նրա նկատմամբ խափանման միջոց է կիրառվել բացակայելու արգելքը։
Հիշեցնենք, որ քասախցիների՝ հունիսի 17-ի բողոքի ակցիայի ժամանակ ոստիկանությունը մեծաթիվ ուժեր էր կենտրոնացրել Երևան-Աշտարակ ճանապարհին։ Ոստիկանները բիրտ ուժ կիրառելով բացում էին փողոցի երթևեկելի գոտին՝ բերման ենթարկելով քաղաքացիներին։ Կարմիրբերետավոր Ալեքսանդր Ազարյանն արմունկով հարվածել էր լրագրողին։ Դեպքից հետո կարմիրբերետավորը հեռացվել է համակարգից։
Արփի Հակոբյան
