29.04.2026 | 17:01
ՄԱԿ-ը հայտնում է, որ Իրանում պատերազմի սկզբից ի վեր մահապատժի է ենթարկվել առնվազն 21 մարդ, ձերբակալվել՝ 4000-ը
Շիրակի մարզի դիմորդների 75,1 տոկոսը ընդունվել է բուհ. օգոստոսյան խորհրդակցություն
Հասարակություն
28.08.2025 | 15:31
Նոր ուսումնական տարվան ընդառաջ տեղի է ունեցել օգոստոսյան խորհրդակցություն Շիրակի մարզի հանրակրթական դպրոցների տնօրենների ու վարչատնտեսական համակարգողների մասնակցությամբ։
ԿԳՄՍՆ-ից հայտնում են, որ խորհրդակցությունը վարել է ՀՀ կրթության, գիտության, մշակույթի և սպորտի նախարարի տեղակալ Արաքսիա Սվաջյանը, ներկա են եղել Շիրակի մարզպետի տեղակալ Ալբերտ Այվազյանը, ԿԳՄՍ նախարարի խորհրդական Արտաշես Թորոսյանը, «ԿԶՆԱԿ» հիմնադրամի տնօրենի պաշտոնակատար Ժաննա Հարությունյանը, Շիրակի մարզպետի աշխատակազմի ոլորտային պատասխանատուներ։
Մինչ խորհրդակցությունը ներկաները ծանոթացել են «Կրթական էքսպո» ցուցահանդեսում Շիրակի մարզի դպրոցների աշակերտների՝ նախորդ ուստարում տարբեր առարկաներից ներկայացված լավագույն նախագծային աշխատանքներին։ Նախագծային աշխատանքներ են ներկայացրել 17 դպրոցներ։
Աշխատանքային քննարկումը մեկնարկել է Շիրակի մարզի մի շարք դպրոցների տնօրենների ու մանկավարժների՝ նախորդ ուսումնական տարվա ընթացքում «Ամսվա լավագույնները» մրցույթում հաղթելու համար ԿԳՄՍ նախարարության շնորհակալագրերի հանձմամբ։
Ամփոփելով անցած ուստարվա արդյունքները՝ նախարարի տեղակալ Արաքսիա Սվաջյանը նշել է, որ Շիրակի մարզից բուհեր ընդունվելու համար դիմել է 1413 շրջանավարտ, քննություններին մասնակցել է 1384-ը, նրանցից 1040-ը՝ 75,1 տոկոսը, ընդունվել է բուհ, 261-ը՝ անվճար։
«Խոհրդակցության ընթացքում Արաքսիա Սվաջյանն անդրադարձել է կրթության ոլորտում նախորդ տարի կատարված հիմնական աշխատանքներին, ինչպես նաև ոլորտի մի շարք հարցերի, որոնք առնչվում են ուսումնական գործընթացի կազմակերպման առանցքային խնդիրներին, նոր ուստարում հանրակրթության պետական չափորոշչի՝ 1-11-րդ դասարաններում ներդրմանը, դասագրքերին, ԲՏՃՄ լաբորատորիաների ներդրմանը և դրանց արդյունավետ կիրառմանը, 4-րդ և 9-րդ դասարաններում քննությունների նոր ձևաչափին, խմբակների և երկարօրյա ծառայության բարելավմանը, ուսուցիչների կամավոր ատեստավորմանը և տարակարգի տրամադրմանը, նախագծային աշխատանքների կազմակերպմանը, հաստատությունների ֆինանսավորման մոդելին, ուսուցիչների՝ կարիքի վրա հիմնված վերապատրաստումներին և այլն»,- ասված է հաղորդագրությունում։
