04.11.2026 | 15:10
9 կյանք խլած վթարի պատճառը՝ նախնական վարկածով//7 մեղադրյալ՝ քոլեջում կաշառքի գործով․ ԼՈՒՐԵՐ
Ճամբարակի համայնքային ոստիկանները բացահայտել են հանգստյան գոտում կատարված գողությունը
Հասարակություն
28.08.2025 | 15:43
Օգոստոսի 23-ին Ոստիկանության Գեղարքունիքի մարզի օպերատիվ կառավարման կենտրոն զանգահարած հանգստյան գոտիներից մեկի պահակը հայտնել է, որ հանգստյան գոտուց գողացել են վառելանյութ և փրկարարական բաճկոններ։
«Մեկնել է Համայնքային ոստիկանության Ճամբարակի բաժնի օպերատիվ խումբը: Պարզվել է, որ օգոստոսի 13-ի գիշերվա ժամը 1-ի սահմաններում անհայտ անձինք գողությունն արել են հանգստյան գոտու պահեստարանից»,- ասված է ՆԳՆ ոստիկանությունից։
Սևանի քննչական բաժնում նախաձեռնվել է քրեական վարույթ։
Ճամբարակի և Վարդենիսի համայնքային ոստիկանների համագործակցված միջոցառման արդյունքում հանցանքը բացահայտվել է օգոստոսի 26-ին։ Պարզվել է, որ գողությունն արել են Նոր Հաճն քաղաքի բնակիչ 36-ամյա և Նորակերտ գյուղի բնակիչ 32-ամյա երկու տղամարդիկ:
Նրանք խոստովանել են արարքը և ներկայացվել Սևանի քննչական բաժին։ Նախաքննությամբ հանգամանքները պարզվում են։
