31.05.2026 | 18:10
Ժամանակը չէ. Քոչարյանը` իր ընտրվելու շանսերի մասին հարցին ի պատասխան. ՏԵՍԱՆՅՈւԹ
Ալիևը Թրամփի և Փաշինյանի ձեռքը սեղմեց, թե՝ վերջ թշնամանքին, հետ եկավ, ասաց՝ հայ հանրությունը հիվանդ է, թշնամի կոչեց․ Տաթևիկ Հայրապետյան․ ՏԵՍԱՆՅՈՒԹ
Քաղաքականություն
28.08.2025 | 20:00
Ադրբեջանի հարցերով փորձագետ, պատմական գիտությունների թեկնածու Տաթևիկ Հայրապետյանը Factor TV-ի հետ զրույցում պնդում է, որ Ադրբեջանում պատերազմի հռետորաբանությունը նվազել էր դեռ մինչև Վաշինգտոնը, բայց ատելության խոսքը շարունակվում է նախագահի մակարդակով։
«Ալիևը թշնամական քարոզով կեղծեց պատմությունը, թե, իբր, բոլշևիկները Սյունիքն Ադրբեջանից վերցրին, նվիրեցին ՀՀ-ին։ Չնայած Ալիևը Թրամփի և Փաշինյանի ձեռքը սեղմեց, ասաց՝ վերջ թշնամանքին, բայց հետ եկավ, Քարվաճառում ասաց՝ հայ հանրությունը հիվանդ է, թշնամի կոչեց»,- շեշտում է նա։
Հայրապետյանը վտանգավոր տարրեր է նկատում թե՛ իշխանության, թե՛ ընդդիմության խոսույթներում։
«Փաշինյանը, իբր, խաղաղություն բերողն է, ՀՀ մյուս ղեկավարները՝ պատերա՞զմ․ սա վտանգավոր խոսույթ է, նախկին նախագահներից ոչ ոք չի քարոզել ատելություն ադրբեջանցիների դեմ։ Նիկոլ Փաշինյանն ինքնախոստովանական ցուցմունք տվեց, որ ինքը լուծման տեսական հնարավորությունը չընդունեց, որ ՀՀ-ին անկախություն բերի։ Բայց չէ՞ որ պատերազմի արդյունքում ռուսական զորքեր մտան Արցախ։ Ընդդիմությունը կեղծ վտանգավոր օրակարգ է ստեղծում, թե Սյունիքը հանձնվում է, վերջում՝ իշխանությունը հաղթում է՝ մեր շահերը չսպասարկելով։ Ընդդիմությո՛ւն, Փաշինյանին հեռացնողը դուք եք, ո՛չ ՌԴ-ն կամ Իրանը․ ի՞նչ է նշանակում՝ Իրանը կկատաղի, հարցերը կլուծի»,- ասաց ադրբեջանագետը։
Նա խոսել է նաև խաղաղության նախաստորագրված համաձայնագրի կետերի կատարման հնարավորության, ԱԳ նախարար Արարատ Միրզոյանի՝ հարցազրույցում արված մի շարք պնդումների, հայ գերիներին Բաքվի բանտերում պահելու փաստի և շարունակվող դատավարությունների, հայ-ադրբեջանական առաջիկա հնարավոր զարգացումների մասին։
Հարցազրույցն ամբողջությամբ՝ տեսանյութում։
Ռոբերտ Անանյան
