07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Երբ գա էդ կետը, ընտրությունը կլինի անխուսափելի. Փաշինյանը` ԵՏՄ-ից դուրս գալու մասին․ ՏԵՍԱՆՅՈՒԹ
Քաղաքականություն
28.08.2025 | 14:06
Հայաստանի՝ ԵՄ-ին անդամագրվելու գործընթաց սկսելու օրենքի ընդունումից հետո ես հայտարարել եմ, որ Եվրամիությանը և ԵՏՄ-ին անդամակցումը միաժամանակ հնարավոր չէ: Երբ գա այդ կետը, որ ընտրությունն անխուսափելի լինի, մենք համապատասխան որոշում կկայացնենք։ Այս մասին Կառավարության նիստից հետո լրագրողների հետ ճեպազրույցում հայտարարեց վարչապետ Նիկոլ Փաշինյանը՝ պատասխանելով ԵՏՄ-ից ՀՀ-ի հնարավոր դուրս գալու վերաբերյալ Factor TV-ի հարցին։
«Եթե մենք սա հայտարարում ենք պաշտոնական մակարդակում, ուրեմն հնարավոր է դուրս գալը: Հնարավոր է ցանկացած սցենար, դա կապված է, այդ թվում, մեր ժողովրդի արտահայտած կամքի հետ, մեր ընթացիկ իրավիճակների, բանակցային գործընթացների, իրադրության ու հնարավորությունների, այլընտրանքների վերլուծության մեր արդյունքների և հեռանկարների հետ»,- ընդգծեց վարչապետը:
Ավելի վաղ ՌԴ փոխվարչապետ Ալեքսեյ Օվերչուկը նամակ էր գրել ՀՀ փոխվարչապետ Մհեր Գրիգորյանին՝ հանդիպելու և քննարկելու ԵՏՄ օրենսդրության հետ կապված հարցեր։
Օվերչուկն օգոստոսի 20-ին Հայաստան էր այցելել, հանդիպել էր նաև վարչապետ Նիկոլ Փաշինյանի հետ։
Մանրամասները՝ տեսանյութում։
Մանյա Պողոսյան
