03.10.2026 | 22:08
Հայաստանի հավաքականը ժամանել է Պոդգորիցա
SpaceX-ը հաջողությամբ իրականացրել է Starship-ի 10-րդ փորձնական թռիչքը
Քաղաքականություն
27.08.2025 | 22:57
Ամերիկյան SpaceX ընկերությունն իրականացրել է Starship տիեզերանավի նախատիպով հրթիռակրի տասներորդ փորձնական արձակումը, որը հաջողությամբ վայրէջք է կատարել Հնդկական օվկիանոսում, գրում է Euronews-ը։
Նախորդ երեք արձակումները՝ հունվարին, մարտին և մայիսին, անհաջողությամբ էին ավարտվել։ Այս թռիչքի ընթացքում ընկերությանը հաջողվել է Starlink կապի արբանյակների ութ սիմուլյատոր հանել Starship բեռնատարի հարթակից։ Հրթիռը թռիչք է կատարել Տեխասի Starbase արձակման կայանից։
Նախատեսվում է, որ Starship տիեզերական համակարգը կլինի ունիվերսալ և կարող է օգտագործվել Երկրի մերձակա ուղեծիր թռիչքների, արբանյակներ արձակելու և Լուսին ու Մարս առաքելություններ իրականացնելու համար։
Սա աշխարհի ամենամեծ և ամենահզոր հրթիռի 10-րդ փորձնական թռիչքն էր, որը վերջ է դրել անհաջող փորձերի շարքին։
Starship նախատիպը պայթել էր 2023 թվականին իր առաջին փորձնական թռիչքի ժամանակ, ինչպես նաև հունվար և մարտ ամիսներին անցկացված փորձարկումների ժամանակ: Մայիսին վերջին՝ իններորդ փորձի ժամանակ տիեզերանավը դուրս էր եկել վերահսկողությունից և մասնատվել։
Այս անգամ SpaceX-ը վերամշակել է գերծանր հրթիռակրի կառուցվածքը՝ տալով նրան ավելի մեծ և ամուր հենարաններ՝ ավելի մեծ կայունության համար։
Թարգմանությունը՝ Էմմա Չոբանյանի
