29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
ՀՀ-ն պիտի անի ամեն ինչ՝ Ադրբեջանի հետ պայմանագիր ստորագրի մինչև ընտրություն․ Ալիևը չկարողանա հրաժարվել․ Վահրամ Աթանեսյան․ ՏԵՍԱՆՅՈՒԹ
Քաղաքականություն
26.08.2025 | 21:00
Հրապարակախոս, Արցախի ԱԺ նախկին պատգամավոր Վահրամ Աթանեսյանը Factor TV-ի հետ զրույցում դեմ է արտաահայտվում Վաշինգտոնում խաղաղության համաձայնագրի նախաստորագրումը կապիտուլյացիա որակելուն։
«ՀՀ-ն կապիտուլյացիայի չի ենթարկվել ԱՄՆ-ում, Ադրբեջանը կապիտուլյացիոն օկուպացիայի չի ենթարկել ՀՀ սուվերեն տարածքը։ Ավելին՝ ձեռքբերում է այն, որ Ադրբեջանն իրեն ճանաչեց ԱԽՍՀ-ի իրավահաջորդ։ Ալիևի պահանջած «Զանգեզուրի միջանցքը» չկա այլևս, դուրս է եկել միջազգային փորձագիտական շրջանառությունից։ Բայց, իհարկե, քանի դեռ ՀՀ-ԱՄՆ կոնսորցիումը չկա, կասկածներ միշտ կլինեն»,- ասաց Վահրամ Աթանեսյանը։
Ըստ նրա՝ ՀՀ-ն պիտի անի ամեն ինչ, որ Ադրբեջանի հետ խաղաղության պայմանագիր ստորագրի մինչև 2026 թվականի խորհրդարանական ընտրությունները, որպեսզի Ալիևը չկարողանա հրաժարվել ստորագրումից։
«Խաղաղությունը պատերազմից ծանր փորձություն է, բարդ է թշնամու հետ հաշտվել՝ ոչնչացնելու փոխարեն։ Թրամփն ասաց՝ խիզախ առաջնորդ ես, Իլհա՛մ, ուրեմն՝ ԱՄՆ-ը զգացել է, որ Բաքուն կհրաժարվի Վաշինգտոնի պրոցեսից, կանխում է։ Մենք վառոդի տակառի վրա նստած՝ մեզ երջանիկ ենք զգացել, ողբերգությունը սա է․ չի՛ կարելի պատերազմի հետ խաղալ։ Արցախում մեծացած 2 սերունդ ասաց՝ ո՞վ է Ադրբեջանը, Արցախը ՌԴ-ի հավերժ բարեկամն է, կպահի։ Խաղաղության շանսը բաց թողնվեց։ Հիմա ով տրամաբանությունից խոսում է՝ կնքում են «նիկոլական»․ նախկինում էլ՝ ով խաղաղությունից է խոսում՝ պիտակում էին «լևոնական»»,- ասաց Աթանեսյանը։
Հարցազրույցն ամբողջությամբ՝ տեսանյութում։
Ռոբերտ Անանյան
