04.10.2026 | 17:02
Հարկային վարչարարությունը պետք է դառնա ավելի կանխարգելիչ, կանխատեսելի և գործընկերային. ՊԵԿ նախագահ
«3+3» ձևաչափը նպաստում է տարածաշրջանի երկրների, այդ թվում՝ Ադրբեջանի և Հայաստանի միջև վեճերի լուծմանը․ Իրանի ԱԳՆ խոսնակ
Քաղաքականություն
26.08.2025 | 15:34
«3+3» ձևաչափը նպաստում է տարածաշրջանի երկրների, մասնավորապես, Ադրբեջանի և Հայաստանի միջև վեճերի լուծմանը։ Այս մասին հայտարարել է Իրանի ԱԳՆ մամուլի խոսնակ Էսմայիլ Բաղային, գրում է IRNA-ն։
«Հարավային Կովկասում «3+3» մեխանիզմն ունի իր պատմությունը և ստեղծվել է տարածաշրջանի երկրների ու Հարավային Կովկասի շրջակա երկրների, այդ թվում՝ Ադրբեջանի և Հայաստանի միջև խորհրդակցությունների համար: Մինչ օրս մի քանի հանդիպումներ են անցկացվել տարբեր երկրներում, առաջին հանդիպումներից մեկը տեղի է ունեցել Թեհրանում: Այս մեխանիզմն արդեն անցել է փորձությունը՝ որպես տարածաշրջանային կազմակերպություն, որը նպաստում է տարածաշրջանի երկրների, մասնավորապես, Ադրբեջանի և Հայաստանի միջև վեճերի լուծմանը»,- ասել է նա։
Նա հավելել է՝ «անկախ Հարավային Կովկասի խնդիրների լուծման վերաբերյալ տարածաշրջանից դուրս տեղի ունեցող զարգացումներից այսօր, գուցե ավելի քան երբևէ, տարածաշրջանի երկրները եզրակացության են եկել, որ այս մեխանիզմները պետք է ակտիվ մնան և ջանքեր գործադրվեն դրանք ավելի արդյունավետ դարձնելու համար՝ վեճերը լուծելու և տարածաշրջանային սահմաններից դուրս գործողների միջամտությունը կանխելու համար»։
Թարգմանությունը՝ Էմմա Չոբանյանի
