06.11.2026 | 18:35
Հիմնավոր կասկած ունենք, որ տանն էլ բան դրած կլինեն. Ղազինյան․ ՏԵՍԱՆՅՈՒԹ
Իրանի և Թուրքիայի ԱԳ նախարարները միջուկային գործարքի, երկրների ռազմավարական համագործակցության հարցեր են քննարկել
Քաղաքականություն
26.08.2025 | 20:23
Իրանի և Թուրքիայի արտաքին գործերի նախարարներ Աբբաս Արաքչին և Հաքան Ֆիդանը հանդիպում են ունեցել Ջիդդայում (Սաուդյան Արաբիա) Իսլամական համագործակցության կազմակերպության (ԻՀԿ) գագաթնաժողովի շրջանակում, գրում է Mehr գործակալությունը։
Ֆիդանը լրագրողներին հայտնել է, որ Իրանը բանակցություններ է վարել Եվրոպայի հետ միջուկային բանակցությունների վերաբերյալ, ինչպես նաև քննարկումներ ունեցել Միացյալ Նահանգների հետ, որոնք ներկայում կասեցված են։ Նա հավելել է, որ հեռախոսազրույցներ է ունեցել ԱՄՆ պետքարտուղար Մարկո Ռուբիոյի հետ, և որ ինքն ու իրանցի գործընկերը քննարկել են այս հարցը՝ օգտվելով առիթից՝ գնահատելու այս նոր օրակարգը՝ ԱՄՆ-ի որոշ հայտարարությունների լույսի ներքո։
Իրանի արտաքին գործերի նախարար Աբբաս Արաղչին էլ բարձր է գնահատել Թուրքիայի ակտիվ դերը՝ որպես Իսլամական համագործակցության կազմակերպության գործող նախագահ և նրա անսասան աջակցությունը պաղեստինյան ժողովրդին։ Նա նաև կոչ է արել ամրապնդել իսլամական աշխարհի կոլեկտիվ կարողությունները՝ «Իսրայելի էքսպանսիոնիստական ծրագրերին հակազդելու և պաղեստինյան գործը պաշտպանելու համար»։
Կողմերը քննարկել են նաև Թեհրանի և Անկարայի միջև երկկողմ հարաբերությունների վերջին զարգացումները՝ ընդգծելով ռազմավարական և շարունակական համագործակցությունը։ Նրանք նաև ընդգծել են համագործակցության ընդլայնման կարևորությունը առանցքային ոլորտներում, այդ թվում՝ առևտրի, էներգետիկայի, տրանսպորտի, սահմանային անվտանգության։
Թարգմանությունը՝ Էմմա Չոբանյանի
