05.11.2026 | 18:10
Պապոյանը Մոսկվայում ԵՏՄ հանդիպման կմասնակցի // Մարթա Կոսը՝ ՀՀ կենսաչափական նոր անձնագրի մասին․ ԼՈՒՐԵՐ
Առճակատում եք ուզում թուրք-ադրբեջանական տանդեմի հետ, որը ՀՀ-ին 10-յակ անգամներ գերազանցո՞ւմ է․ վերջն ի՞նչ է լինելու․ պայմանագրին չկա՛ այլընտրանք․ Հրաչյա Թաշչյան․ ՏԵՍԱՆՅՈՒԹ
Քաղաքականություն
25.08.2025 | 20:30
Միջազգային հարաբերությունների մասնագետ, Մոսկվայի պետական համալսարանի Երևանի մասնաճյուղի դասախոս Հրաչյա Թաշչյանը Factor TV-ի հետ զրույցում պնդում է, որ Վաշինգտոնում խաղաղության համաձայնագրի նախաստորագրումով հսկայական քայլ արվեց դեպի խաղաղություն։
Ըստ նրա՝ ԱՄՆ-ի ներգրավումը մեծ պատվար է, որ խաղաղությունը կպահպանվի։ Հրաչյա Թաշչյանն անիրագործելի է համարում ազգայնական տրամադրվածությամբ ուժերի պնդումները, թե ՀՀ-ն պետք է հաղթողի դիրքից պայմանագիր ստորագրի։
«Գրեթե բացառում եմ, որ ՀՀ-ն հաղթի Թուրքիա-Ադրբեջան տանդեմի հետ հակադրությունում, այս պայմանագրին չկա այլընտանք։ Ի՞նչ է, առճակատում եք ուզում մի ուժի հետ, որը ՀՀ-ին 10-յակ անգամներ գերազանցո՞ւմ է, դրա վերջն ի՞նչ է լինելու, խաղաղության պայմանագրին չկա՛ այլընտրանք։ Ադրբեջանի հետ հաղթողի դիրքից պայմանագրի շանսը կորցրել ենք 98-ին, վերջին շանսը եղել է միգուցե 2008-ին։ Հիմա բացառում եմ հաղթելը թուրք-ադրբեջանական տանդեմին։ ՀՀ-ի դեմ անվտանգային սպառնալիքները նվազեցին՝ Խաղաղության համաձայնագրի նախաստորագրումով, թե ավելի բարդ վիճակում կլինեինք, սա այլընտրանք չունեցող պրոցես է»,- ասաց Հրաչյա Թաշչյանը։
Հարցազրույցն ամբողջությամբ՝ տեսանյութում։
Ռոբերտ Անանյան
