17.02.2026 | 01:59
Կարինա Ակոպովան ու Նիկիտա Ռախմանինը 14-րդ տեղը գրավեցին ձմեռային Օլիմպիական խաղերում
Ուկրաինայի և ԱՄՆ-ի թիմերը շաբաթվա վերջին կհանդիպեն՝ ՌԴ-ի հետ բանակցությունները քննարկելու համար․ Զելենսկի
Քաղաքականություն
25.08.2025 | 18:41
Ուկրաինայի նախագահ Վլադիմիր Զելենսկին հայտնել է այս շաբաթվա վերջին ուկրաինական և ամերիկյան թիմերի հանդիպման մասին՝ Ուկրաինայի և Ռուսաստանի միջև ապագա խաղաղության բանակցությունների հնարավորությունը քննարկելու համար, փոխանցում է «Интерфакс-Украина»-ն։
«Այսօր հանդիպում կլինի Քելլոգի հետ (Ուկրաինայի հարցերով ԱՄՆ նախագահի հատուկ բանագնաց)՝ ի շարունակություն այս թեմայի, ռուսական կողմի հետ ապագա հանդիպման հնարավորության նախապատրաստական աշխատանքները մշակելու համար։ Շաբաթվա վերջում կկայանա ուկրաինական և ամերիկյան թիմերի հանդիպումը»,- Կիևում Նորվեգիայի վարչապետ Յոնաս Գահր Ստյորեի հետ մամուլի ասուլիսում ասել է Զելենսկին։
Հիշեցնենք, որ Վաշինգտոնում եվրոպացի առաջնորդների հետ բանակցություններից հետո ԱՄՆ նախագահ Դոնալդ Թրամփը հայտարարել էր, որ հաջորդ քայլը Ուկրաինայի և Ռուսաստանի նախագահների հանդիպումն է։ Կրեմլը հայտնել է իր պատրաստակամությունը «բարձրացնել բանակցությունների մակարդակը», սակայն ուղիղ չի համաձայնել Վլադիմիր Պուտինի և Զելենսկիի միջև հանդիպմանը։
Թարգմանությունը՝ Էմմա Չոբանյանի
