12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Իրանը հուսով է, որ Ադրբեջանով ռուսական գազի մատակարարումներն առաջիկայում կսկսվեն
Քաղաքականություն
25.08.2025 | 12:11
Իրանը հուսով է, որ ռուսական գազի մատակարարումներն Ադրբեջանով կհաջողվի սկսել առաջիկայում, «Գազպրոմ»-ի հետ կապված գրեթե բոլոր հարցերն արդեն լուծված են։ Այս մասին ՏԱՍՍ-ին տված հարցազրույցում հայտարարել է ՌԴ-ում Իրանի դեսպան Քազեմ Ջալալին։
«Մենք հույս ունենք, որ դա կհաջողվի առաջիկայում։ Այժմ բանակցություններ ենք վարում «Գազպրոմ»-ի հետ, գրեթե բոլոր հարցերն արդեն լուծված են։ Բայց մենք պետք է ընդհանուր լեզու գտնենք գնի վերաբերյալ։ Եթե այս հարցը նույնպես լուծվի, ապա ամեն ինչ կմեկնարկի»,- նշել է նա։
Ավելի վաղ Ռուսաստանի էներգետիկայի նախարար Սերգեյ Ցիվիլևը Ռուսաստանի և Իրանի միջև առևտրատնտեսական համագործակցության միջկառավարական հանձնաժողովի 18-րդ նիստի ժամանակ հայտարարել էր, որ ռուսական գազի առաջին մատակարարումներն Ադրբեջանի տարածքով գործող ենթակառուցվածքների միջոցով կսկսվեն 2025 թվականին՝ տարեկան մինչև 1,8 միլիարդ խորանարդ մետր ծավալով։
Թարգմանությունը՝ Էմմա Չոբանյանի
