07.03.2026 | 22:11
Նոր նշանակումներ՝ մարմնամարզության Հայաստանի հավաքականներում
Քաղաքական խորհրդակցություններ՝ Հայաստանի և Վրաստանի ԱԳՆ-ների միջև
Քաղաքականություն
22.08.2025 | 19:34
ՀՀ և Վրաստանի ԱԳՆ-ների միջև քաղաքական խորհրդակցությունների ժամանակ քննարկվել են տարածաշրջանային խաղաղությանն ու համագործակցությանն առնչվող հարցեր: Այս մասին հայտնում են ՀՀ ԱԳՆ-ից:
«Խորհրդակցությունների ընթացքում կողմերն ընդգծել են երկու երկրների միջև ռազմավարական գործընկերային հարաբերությունների շարունակական խորացումը, կարևորել են Հայաստան-Վրաստան բարձր մակարդակի փոխայցերն ու շփումները։
Անդրադարձ է կատարվել երկկողմ տնտեսական համագործակցությանը, զբոսաշրջության, տրանսպորտի, էներգետիկայի, առևտրի և ներդրումների ոլորտներին առնչվող հարցերի լայն շրջանակի, մշակութային, կրթական կապերի ամրապնդմանը, միջազգային կազմակերպություններում համագործակցությանը, իրավապայմանագրային դաշտի ընդլայնմանը:
Կողմերը քննարկել են նաև տարածաշրջանային խաղաղությանն ու համագործակցությանն առնչվող հարցեր, որոնց համատեքստում Վահան Կոստանյանն իր գործընկերոջը տեղեկացրել է օգոստոսի 8-ին Վաշինգտոնում ՀՀ-ի, ԱՄՆ-ի և Ադրբեջանի ղեկավարների հանդիպման արդյունքների մասին»,- ասվում է հաղորդագրությունում։
