07.06.2026 | 14:52
Երկու ԶԼՄ-ներ խախտել են լռության օրվա կանոնները․ Արթուր Սաքունց. ՏԵՍԱՆՅՈՒԹ
Քննարկվել է Հայաստան-Հունաստան փոխգործակցությունը մի շարք ոլորտներում
Քաղաքականություն
21.08.2025 | 21:29
Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը հանդիպել է Հունաստանի արտաքին գործերի փոխնախարար Յանիս Լովերդոսի հետ, որի ընթացքում անդրադարձել են նաև Կիպրոսի ներգրավմամբ սփյուռքի կառույցների եռակողմ համագործակցությանը։ Այս մասին տեղեկացնում են Հունաստանում ՀՀ դեսպանությունից։
«Հանդիպմանը քննարկվել են Հայաստան-Հունաստան փոխգործակցությունը մի շարք ոլորտներում, առավել ամրապնդելու անհրաժեշտությունը։ Հատուկ անդրադարձ է եղել հայկական և հունական համայնքային կառույցների համագործակցությանը։ Հույն պաշտոնյան նշել է, որ թե Հունաստանում և թե բազմաթիվ այլ երկրներում հայկական համայնքային կառույցները լուրջ ներուժ ունեն և աշխարհի տարբեր երկրներում հունական համայնքային կառույցների հետ համագործակցելու պարագայում լուրջ հաջողությունների կարող են հասնել։
Անդրադարձ է եղել նաեւ Կիպրոսի ներգրավմամբ սփյուռքի կառույցների եռակողմ համագործակցությանը։
Հանդիպման ընթացքում դեսպան Մկրտչյանը ներկայացրել է հայ-հունական համագործակցության խորացումը մի շարք ոլորտներում, ինչպես նաև առաջիկայում նախատեսված մի շարք բարձրաստիճան այցելությունները։ Միաժամանակ անդրադարձ է եղել նաև Հայաստանի և Ադրբեջանի միջև խաղաղության հաստատման գործընթացին ու դրա կարևորությանը տարածաշրջանային զարգացման համատեքստում»,- ասված է հաղորդագրությունում։
