16.07.2026 | 16:50
ՍԱՏՄ-ն կասեցրել է «Հասմիկ մարզական սպորտ-ճամբար»-ի խոհանոցի աշխատանքը
Հայ-ամերիկյան ընկերությունը ոչ թե վերահսկելու է ճանապարհը, այլ` կառավարելու․ Փաշինյան․ ՏԵՍԱՆՅՈՒԹ
Քաղաքականություն
21.08.2025 | 13:50
«Հայաստան-ԱՄՆ ընկերությունը ոչ թե վերահսկելու է ճանապարհը, այլ կառավարելու է ճանապարհը, այսինքն՝ բիզնես-կառավարում է իրականացնելու»,- կառավարության նիստից հետո լրագրողների հետ ճեպազրույցում պարզաբանեց վարչապետ Նիկոլ Փաշինյանը։
«Ես նկատում եմ, որ էսպիսի շեշտադրում կա՝ բա որ լինի երկաթուղի, արդյոք իրանական բեռնատարները կարո՞ղ են էդ ճանապարհը հատել, անցնել։ Ես ուզում եմ բերել օրինակ՝ էսօր ՀՀ մնացած հատվածներում ՌԴ-ի կողմից կոնցեսիայի սկզբունքով կառավարվող երկաթուղին մեր բազմաթիվ ճանապարհներով անցնում է, որևէ հայկական, իրանական, վրացական, եվրոպական ավոտմեքենա էդ երկաթուղու վրայով անցնելուց որևէ խնդրի երբևէ հանդիպո՞ւմ է․ ո՛չ, որովհետև դա ՀՀ իրավազորության տարածք է»,- բացատրեց Փաշինյանը։
Խաղաղության պայմանագրի նախաստորագրման ֆոնին հաջորդ տարվա ռազմական բյուջեի մասին հարցին ի պատասխան Փաշինյանն ասաց, որ 2026-ի պետական բյուջեում, գուցե, պաշտպանական ծախսերի «էական ավելացումներ չունենանք կամ ընդհանրապես չունենանք։
«Սա, կարծում եմ, տրամաբանական է։ Գոնե այս պահի մեր գնահատականն այդպիսին է, բայց ենք կշարունակենք իրադրության օպերատիվ վերլուծությունը, և մեր բոլոր որոշումները կլինեն ադեկվատ՝ կարճաժամկետ, միջնաժամկետ և երկարաժամկետ զարգացումներին», -նշեց նա։
Մանրամասները՝ տեսանյութում։
