06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Ռուսական հարվածների հետևանքով Ուկրաինայում գործարան է վնասվել․ հրդեհ է բռնկվել
Քաղաքականություն
21.08.2025 | 11:41
Գիշերը Ուկրաինայի Զակարպատյան մարզի Մուկաչևո քաղաքի վրա ռուսական հարձակման հետևանքով արդյունաբերական ձեռնարկություն է վնասվել, հրդեհ է բռնկվել։ Այս մասին հայտնել է Զակարպատյան շրջանի վարչակազմի ղեկավար Միրոսլավ Բիլեցկին, փոխանցոմ է BBC-ի ռուսական ծառայությունը։
Բիլեցկիի խոսքով՝ գործարանում ոչնչացվել են պահեստներ, հրդեհի ծուխը տարածվում է քաղաքում։ Բնակիչներին կոչ են արել «փակել պատուհաններն ու դռները և զերծ մնալ տանից դուրս գալուց, եթե դա խիստ անհրաժեշտ չէ»։
Ըստ BBC-ի ուկրաինական ծառայության՝ հարվածը ոչնչացրել է միջազգային ամերիկյան ընկերության գործարանը։ Չի նշվում, սակայն, թե ինչ գործարանի մասին է խոսքը։
Զակարպատյան շրջանի դատախազությունն էլ հայտնել է, որ երկու «Կալիբր» հրթիռները «պայթյուն են առաջացրել տեղական գործարանում՝ արտասահմանյան ներդրումներով»։
Իշխանությունները հայտնել են, որ առնվազն 12 մարդ վիրավորվել է. 10-ը տեղափոխվել է հիվանդանոց։ Հոսպիտալացվածներից հինգը կայուն վիճակում են։
Մուկաչևո քաղաքը գտնվում է Ուկրաինայի և Հունգարիայի սահմանից 35 կմ հեռավորության վրա։ Սովորաբար այն հազվադեպ է ռուսական հարվածների թիրախ դառնում։
