06.12.2025 | 23:56
Կապարակնքել են Գյումրիի Յոթ Վերք եկեղեցու դռները` Փաշինյանի այցից առաջ
Իսրայելական բանակը հարձակում է սկսել Գազա քաղաքի վրա
Քաղաքականություն
21.08.2025 | 10:21
Իսրայելի բանակը հարձակում է սկսել Գազա քաղաքի վրա և արդեն վերահսկողություն է հաստատել դրա ծայրամասերի նկատմամբ։ Այս մասին հայտարարել է իսրայելական բանակի խոսնակ, բրիգադային գեներալ Էֆի Դեֆրինը, փոխանցում է DW-ի ռուսական ծառայությունը։
Ըստ նրա՝ Գազա քաղաքում ՀԱՄԱՍ-ի դեմ հարձակումները կդառնան ավելի ինտենսիվ։ Դեֆրինի խոսքով՝ ՀԱՄԱՍ-ն այժմ ոչ այլ ինչ է, քան «կոտրված» պարտիզանական խմբավորում։
Միաժամանակ, Իսրայելի զինված ուժերն աշխատում են ապահովել, որ Գազայի հատվածի քաղաքացիական անձինք կարողանան տարհանվել մարտական գոտուց, ինչպես նաև ստանալ մարդասիրական և բժշկական օգնություն, հավելել է նա։
Դեֆրինը նաև հաստատել է, որ այս շաբաթ Իսրայելի պահեստազորայիններին կուղարկվի շուրջ 60,000 զորակոչի ծանուցում։ Մինչև ամսվա վերջ նախատեսվում է ուղարկել ևս 20,000 նման ծանուցում։
Պահեստազորայինները, սակայն, պետք է սկսեն ծառայել սեպտեմբերին, և Գազա քաղաքի վրա առաջիկա օրերին հարձակմանը հիմնականում կմասնակցեն գործող իսրայելական զորքերը։
