04.11.2026 | 17:30
Ինչպե՞ս են էլեկտրական ավտոմեքենաները փոխում հայաստանյան ավտոշուկան․ Ժամանակն է անցնելու էլեկտրական լուծումների
ԲՏԱ նախարարն ու «Supermicro» ընկերության փոխնախագահը քննարկել են ՀՀ-ի թվային ենթակառուցվածքների զարգացման հեռանկարները
Քաղաքականություն
20.08.2025 | 21:53
ԲՏԱ նախարար Մխիթար Հայրապետյանն այսօր ընդունել է «Supermicro» տեխնոլոգիական ընկերության փոխնախագահ Քլեյ Չենի գլխավորած պատվիրակությանը։ Այս մասին ֆեյսբուքյան իր էջում գրել է Հայրապետյանը՝ նշելով, որ հանդիպման ընթացքում անդրադարձել են Հայաստանի թվային ենթակառուցվածքների զարգացման հեռանկարներին։
««Supermicro»-ն աշխարհում առաջատար ընկերություններից է բարձր արտադրողականությամբ սերվերների, պահեստավորման համակարգերի և էներգախնայող տվյալների կենտրոնների լուծումների ոլորտում։
Ընկերության տեխնոլոգիաները լայնորեն կիրառվում են արհեստական բանականության, մետատվյալների մշակման, ամպային հաշվարկների և առաջատար թվային ենթակառուցվածքների ոլորտներում։
Իմ խոսքում ընդգծել եմ, որ ՀՀ կառավարության համար առաջնային է Հայաստանի թվային ենթակառուցվածքների զարգացումը, արհեստական բանականության կիրառումը և նորարարական լուծումների ներդրումը»,- գրել է նա:
