16.07.2026 | 14:46
Դատախազությունը «Արարատցեմենտ»-ում ընդերքօգտագործման խախտումներ է հայտնաբերել․ նյութերն ուղարկվել են քննության
Մասկը հետաձգում է «Ամերիկայի կուսակցություն» ստեղծելու ծրագրերը․ նա կարող է ֆինանսավորել Վենսի քարոզարշավը․ WSJ
Քաղաքականություն
20.08.2025 | 14:06
Միլիարդատեր Իլոն Մասկը որոշել է հետաձգել սեփական կուսակցություն ստեղծելու ծրագրերը։ The Wall Street Journal-ի հաղորդմամբ՝ Մասկն իր գործընկերներին ասել է, որ մտադիր է կենտրոնանալ իր ընկերությունների վրա, միաժամանակ, չվանել «ազդեցիկ հանրապետականներին»՝ ստեղծելով երրորդ կուսակցություն, որը կարող է խլել նրանց ընտրողների ձայները:
Ամերիկյան պարբերականը պնդում է, որ միլիարդատերը վերջերս շատ ժամանակ է անցկացնում ԱՄՆ փոխնախագահ Ջեյ Դի Վենսի հետ։
«Մասկը և նրա գործընկերներն իրենց մտերիմներին ասել են, որ գործարարը քննարկում է իր հսկայական ֆինանսական ռեսուրսներից մի մասն օգտագործել Վենսին աջակցելու համար, եթե նա որոշի առաջադրվել 2028 թվականի նախագահական ընտրություններում»,- գրում է WSJ-ը:
Միաժամանակ, Մասկի շրջապատից հայտարարել են, որ նա պաշտոնապես չի բացառել նոր կուսակցություն ստեղծելու հնարավորությունը և կարող է փոխել միտքը, քանի որ մոտենում են ԱՄՆ Կոնգրեսի 2026 թվականի միջանկյալ ընտրությունները:
