16.07.2026 | 14:46
Դատախազությունը «Արարատցեմենտ»-ում ընդերքօգտագործման խախտումներ է հայտնաբերել․ նյութերն ուղարկվել են քննության
Սիրիայի արտգործնախարարը Փարիզում հանդիպել է իսրայելական պատվիրակության հետ
Քաղաքականություն
20.08.2025 | 10:41
Սիրիայի արտգործնախարար Ասաադ ալ-Շիբանին Փարիզում բանակցություններ է անցկացրել իսրայելական պատվիրակության հետ՝ Սիրիայի հարավային շրջաններում կայունության ամրապնդմանն ուղղված համաձայնությունների հասնելու համար։ Այս մասին հաղորդում է սիրիական պետական SANA գործակալությունը։
«ԱԳ նախարար ալ-Շիբանին երեքշաբթի Ֆրանսիայի մայրաքաղաքում հանդիպել է իսրայելական պատվիրակության հետ՝ տարածաշրջանում և հարավային Սիրիայում կայունության ամրապնդմանն առնչվող մի շարք հարցեր քննարկելու համար։ Բանակցությունները կենտրոնացել են լարվածության նվազեցման, Սիրիայի ներքին գործերին չմիջամտելու, կայունության պահպանման վերաբերյալ համաձայնությունների հասնելու, Սուեյդա նահանգում հրադադարի վերահսկողության և 1974 թվականի համաձայնագրի գործողության վերականգնման վրա»,- գրում է գործակալությունը։
Աղբյուրի տվյալներով՝ բանակցություններն անցկացվում են ԱՄՆ-ի միջնորդությամբ՝ Սիրիայում անվտանգության և կայունության ամրապնդման, ինչպես նաև երկրի տարածքի միասնականության և ամբողջականության պահպանմանն ուղղված դիվանագիտական ջանքերի շրջանակում։
Ավելի վաղ՝ օգոստոսի 12-ին, ալ-Շիբանին Ամմանում հանդիպել է Հորդանանի արտգործնախարար Այման Սաֆադիի և Սիրիայի հարցերով ԱՄՆ հատուկ ներկայացուցիչ Թոմաս Բարաքի հետ։ Կողմերը քննարկել են Սիրիայի կայունության, ինքնիշխանության և տարածաշրջանային անվտանգության շահերից ելնելով երեք կողմերի միջև համագործակցության և համակարգման ամրապնդման ուղիները: Պայմանավորվածություն է ձեռք բերվել նաև ստեղծել սիրիական, հորդանանյան և ամերիկյան համատեղ աշխատանքային խումբ՝ Աս-Սուվեյդա նահանգում հրադադարի ամրապնդման և ճգնաժամի համապարփակ լուծում գտնելու Սիրիայի կառավարության ջանքերին աջակցելու համար:
Մինչ այս, սիրիական և իսրայելական կողմերը հանդիպել էին հուլիսին՝ դարձյալ Փարիզում։ Որևէ համաձայնություն քննարկումներում ձեռք չէր բերվել։
