07.09.2026 | 17:24
Ուիթքոֆի և Քուշների մասնակցությամբ բանակցությունները՝ «քայլ դեպի խաղաղություն»․ Կրեմլ
Ռուբիոն գլխավորել է անվտանգության երաշխիքներ մշակող հանձնաժողովը. Axios
Քաղաքականություն
19.08.2025 | 21:53
ԱՄՆ-ը, Ուկրաինան և եվրոպական երկրները համատեղ հանձնաժողով են ստեղծել, որը կմշակի Ուկրաինայի անվտանգության երաշխիքների տրամադրման առաջարկ, տեղեկացնում է BBC-ի ռուսական ծառայությունը՝ հղում անելով Axios-ի երկու իրազեկ աղբյուրներին:
Այն գլխավորել է ԱՄՆ պետքարտուղար Մարկո Ռուբիոն, որին մասնակցում են ազգային անվտանգության հարցերով խորհրդականներ Ուկրաինայից և եվրոպական երկրներից։
«Առաջիկա օրերին բոլորը գիշեր-ցերեկ կաշխատեն անվտանգության երաշխիքների վրա։ Գուցե շաբաթվա վերջին մենք հստակ ճարտարապետություն ունենանք»,- պարբերականին պատմել է ուկրաինացի պաշտոնյան։
Անվտանգության երաշխիքները, ըստ Axios-ի, դարձել են Վաշինգտոնում բանակցությունների գլխավոր թեման։
Երբ Դոնալդ Թրամփը Զելենսկու և եվրոպացի առաջնորդների հետ զրույցից հետո զանգահարել է Վլադիմիր Պուտինին, ըստ պարբերականի, նա Ռուսաստանի նախագահին կոչ է արել «իրատես լինել» և հանդիպել Ուկրաինայի նախագահի հետ տարածքային հարցերը քննարկելու համար:
