09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ռուբիոն կգլխավորի Ուկրաինայի համար անվտանգության երաշխիքներ մշակելու աշխատանքային խումբը․ WSJ
Քաղաքականություն
19.08.2025 | 13:15
ԱՄՆ նախագահ Դոնալդ Թրամփն ու եվրոպացի առաջնորդները համաձայնության են եկել, որ պետքարտուղար Մարկո Ռուբիոն կգլխավորի Ուկրաինայի համար անվտանգության երաշխիքներ մշակելու աշխատանքային խումբը: Այս մասին հաղորդում է The Wall Street Journal-ը (WSJ)՝ վկայակոչելով իր աղբյուրներին:
Աղբյուրի փոխանցմամբ՝ խմբում կներառվեն ազգային անվտանգության խորհրդականներ և ՆԱՏՕ-ի ներկայացուցիչներ: Միաժամանակ, ԱՄՆ-ը «համակարգող» դեր կխաղա քննարկումներում:
Եվրոպացի պաշտոնյաները WSJ-ին նաև ասել են, որ անվտանգության երաշխիքները կներառեն ռազմական ներկայություն, օդային պաշտպանություն, զենքի մատակարարումներ և «ռազմական գործողությունների դադարեցման վերահսկողություն»:
Նշվում է, որ «կան մի շարք եղանակներ», որոնք ԱՄՆ-ը կարող է օգտագործել, այսպես կոչված, եվրոպական խաղաղապահ ուժերին անուղղակի ռազմական աջակցություն ցուցաբերելու համար:
Bloomberg-ը, իր հերթին, հաղորդել է, որ Ուկրաինայի համար եվրոպական և ամերիկյան անվտանգության երաշխիքները կհիմնվեն «կամավորների կոալիցիայի» աշխատանքի վրա և ապագայում կարող են ներառել բազմազգ ուժեր: Հստակ ձևաչափը դեռևս որոշված չէ:
