29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Մեկնարկել է Թրամփ-Զելենսկի հանդիպումը
Քաղաքականություն
18.08.2025 | 21:27
Սպիտակ տանը մեկնարկել է ԱՄՆ նախագահ Դոնալդ Թրամփի և Ուկրաինայի նախագահ Վլադիմիր Զելենսկիի հանդիպումը։
Ըստ Թրամփի ժամանակացույցի՝ նա նախ երկկողմ հանդիպում կունենա Զելենսկիի, ապա՝ եվրոպացի առաջնորդների հետ, գրում է Current time-ը։
Թրամփը Truth սոցիալական ցանցում գրել է, որ Զելենսկին «կարող է գրեթե անմիջապես ավարտել պատերազմը Ռուսաստանի հետ, եթե ցանկանա, կամ կարող է շարունակել պայքարը»։
Զելենսկին, իր հերթին, նշել է, որ Ուկրաինան ցանկանում է «արագ և հուսալիորեն ավարտել այս պատերազմը»։
Հիշեցնենք՝ ԱՄՆ նախագահ Դոնալդ Թրամփի և ՌԴ նախագահ Վլադիմիր Պուտինի միջև Ալյասկայում օգոստոսի 15-ին կայացած հանդիպումն ավարտվել է՝ առանց ռուս-ուկրաինական հակամարտության հրադադարի շուրջ որևէ համաձայնության։ Կողմերի միջև հանդիպումը տևել է շուրջ երեք ժամ, որից հետո նախագահները մոտ 10 րոպե ամբիոնի մոտից հայտարարություններ են արել լրագրողների առջև։ Նրանք, սակայն, հարցերի չեն պատասխանել։ Երկու ղեկավարներն էլ բանակցություններն անվանել են արդյունավետ և նշել, որ գրանցվել է որոշակի առաջընթաց, սակայն մանրամասներ չեն հայտնել։ Հանդիպումից հետո Թրամփն ու Զելենսկին հեռախոսազրույց են ունեցել և պայմանավորվել հանդիպել օգոստոսի 18-ին։
