ՌԴ-ն կրկին հարվածել է հասցրել Ուկրաինայում գտնվող ադրբեջանական նավթագազային օբյեկտին

Ռուսաստանը վերջին 10 օրվա ընթացքում երկրորդ անգամ հարձակվել է Ուկրաինայում գտնվող ադրբեջանական նավթագազային օբյեկտի վրա: Օգոստոսի լույս 18-ի գիշերը ռուսական անօդաչու թռչող սարքերը հարվածել են Օդեսայի մարզում գտնվող ադրբեջանական SOCAR պետական ընկերության նավթաբազային, գրում է DW-ի ռուսական ծառայությունը։

Հարվածի հետևանքով ոչնչացվել են բոլոր 17 պահուստարանները, պոմպակայանը, նավթաբազայի օպերատորական և տեխնիկական սենյակները, որոնք ավելի քան 16 հազար խորանարդ մետր վառելիք էին պարունակում։

Ռուսական կողմը նույն նավթաբազային հարվածել էր նաև օգոստոսի 8-ին։

Օդեսայի մարզում գտնվող SOCAR նավթամբարի վրա զանգվածային հարվածը հաստատել են նաև տեղական լրատվամիջոցները: «Օդեսայի լուրեր» Telegram ալիքը հրապարակել է հարվածի հետևանքների տեսանյութ և հաստատել, հղում անելով աղբյուրին, բոլոր 17 բաքերի, պոմպակայանի, օպերատորի և տեխնիկական սենյակների վնասը: Ռուսաստանի պատերազմի կողմնակից հանրությունը նույնպես գրել է Ուկրաինայում գտնվող ադրբեջանական նավթամբարի վրա նոր հարձակման մասին:

Ուկրաինական կողմը հայտնել է հայտնել է Օդեսայի մարզում վառելիքաէներգետիկ ենթակառուցվածքային օբյեկտի վրա հարձակման մասին, որի հետևանքով լայնածավալ հրդեհ է բռնկվել։

Օդեսայի մարզային ռազմական վարչակազմի ղեկավար Օլեգ Կիպերն իր հերթին հայտնել է քաղաքի արվարձանում գտնվող վառելիքաէներգետիկ ենթակառուցվածքների օբյեկտում բռնկված հրդեհի մասին։ Նախնական տեղեկությունների համաձայն՝ զոհեր կամ վիրավորներ չկան։

SOCAR-ի նավթաբազայի վրա հարձակման մասին պաշտոնական տեղեկատվություն, սակայն, չկա։